- Азыгъы аз, алгъа къабар, аты аман, алгъа чабар.
- Кёзден кетген, кёлден да кетеди.
- Аманны эки битли тону болур, бирин сеннге кийдирир, бирин кеси киер.
- Иги адам абынса да, джангылмаз.
- Ышармагъан – кюлмез, кюлмеген – къууанчны билмез.
- Ауурну тюбю бла, дженгилни башы бла джюрюген.
- Атлыны ашхысы, ат тизгининден билинир
- Окъуусуз билим – джокъ, билимсиз кюнюнг – джокъ.
- Татлы сёз – балдан татлы.
- Тенгинг джокъ эсе – изле, бар эсе – сакъла!
- Юй кюйдю да, кюйюз чыкъды, ортасындан тюйюш чыкъды.
- Ач – эснер, ат – кишнер.
- Соргъан айыб тюлдю, билмеген айыбды.
- Айран ичген – къутулду, джугъусун джалагъан – тутулду.
- Чакъырылмай келген къонакъ сыйланмай кетер.
- Ачлыкъда тары гырджын халыуадан татлы.
- Итли къонакъ джарашмаз.
- Аманнга алтын чыдамаз.
- Къарын къуру болса, джюрек уру болур.
- Сёлеш деб шай берген, тохта деб, сом берген.
- Адамны бетине къарама, адетине къара.
- Намыс сатылыб алынмайды.
- Халкъгъа джарагъан, джарлы къалмаз.
- Башсыз урчукъ тюзюне айланмаз.
- Зарда марда джокъ.
- Сёз къанатсыз учар.
- Махтаннган къыз, тойда джукълар.
- Байны оноуу, джарлыгъа джарамаз.
- Байлыкъ болгъан джерде, тынчлыкъ джокъду.
- Ата – билек, ана – джюрек!
- Джашынгы кесинг юретмесенг, джашау юретир.
- Айырылгъанланы айю ашар, бёлюннгенлени бёрю ашар.
- Чомарт бергенин айтмаз.
- Акъыл къартда, джашда тюйюлдю – башдады.
- Къарнынг къанлынга кийирир.
- Сууда джау джокъ, кёб сёзде магъана джокъ.
- Кёз – сюйген джерде, къол – ауругъан джерде.
- Миллетни бойну – базыкъ, аны бла кюрешген – джазыкъ.
- Къалгъан ишге къар джауар.
- Тамырсыз терекге таянма – джыгъылырса.
- Нёгерсизни джолу узун.
- Окъумагъан сокъурду, сокъур ташха абыныр!
- Джеринден айырылгъан – джети джылар, джуртундан айырылгъан – ёлгюнчю джылар.
- Тилсиз миллет джокъ болур.
- Айран тёгюлсе, джугъусу къалыр.
- Къыз тиширыу кеси юйюнде да къонакъды.
- Баш – акъыл ючюн, акъылман – халкъ ючюн.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашха уста, юйюнде болсун
- Иши джокъну, сыйы джокъ.
Бизни миллет джер юсюнде сакъланырмы?
|
Багъалы джамагъат, кимни не тюрлю оюму барды, бу баруудан барса бизни Къарачай - Малкъар халкъыбыз джер юсюнден тас болмай къалыр амалы бармыды?
|
|
|
|
|
|
[i:855946ae69]п.с. теманы да "къарачай-малкъар культура эм тарих" деген бёлюмге кёчюргенме[/i:855946ae69]
|
|
|
|
|
|
Да билмейме сора къарнаш сени къалай ангыларгъа боллукъду. Джарсыма, хар неда аламатды дегенда сен, ызы бла менге башхасы джокъду къайсы тилде болгъаны дегенда сен. Мен ангыламагъан зат болурму ансы?
P.S. Андан - мыдан киредиле дегенинг ючюн айтырым, къарнашым мен Къарачайда джашамагъаныма 10 джил болады, ары дери сабий заманымдада хазна Кавказда джашамагъанма, алайа сюйсенг къарачай - малкъар тилни къайсы диалектинида бираз билирге кюрешеме.
Адам къайда болсада Ата джуртун, сыйлы Ана тилин бош огъай аламат билирге керекди. Таулу адетни, намысны сакълар джанындан болмасакъ игитда сакъланмаз миллет. Къайсы тилдеда джаратама мен селеширге деген адам джугъунда сакълаяллыкъ тюйюлдю деб келеди мени келюме.
|
|
|
|
|
|
къыйын ангылайма не джазгъаныгъызны))
|
|
|
|
|
|
[b:38aaf30113]Фортуна Фиделя[/b:38aaf30113], мне кажется что это диверсия- они хотят чтобы ты не смогла модерировать.
|
|
|
|
|
|
мен миллетибизни бек сюеме... алай а, дагъыда, сагъыш этсем - сакъланса, сакъланмаса да не башхасы боллукъду, дегенча да болама :smt017 :smt017 :smt017
|
||||
|
|
|
|||
Читают тему (гостей: 1)