- Къатын байлыкъны сюер, эр саулукъну сюер.
- Кёзню ачылгъаны – иги, ауузну джабылгъаны – иги.
- Кюл тюбюндеги от кёрюнмейди.
- Эл элде бирер малынг болгъандан эсе, бирер тенгинг болсун.
- Ёгюзню мюйюзюнден тутадыла, адамны сёзюнден тутадыла.
- Ёлген эшек бёрюден къоркъмайды.
- Къайтырыкъ эшигинги, къаты уруб чыкъма.
- Элге къуллукъ этмеген, элге ие болмаз.
- Ёлюр джаннга, ёкюл джокъ.
- Тура эдим джата, къайдан чыкъды хата?
- Ач отунчуну ачыуу – бурнунда.
- Джашны джигитлиги сорулур, къызны джигерлиги сорулур.
- Сескекли кесин билдирир.
- Биреуге аманлыкъны тилеме да, кесинге ашхылыкъны тиле.
- Киштикге къанат битсе, чыпчыкъ къалмаз эди.
- Мал ёлсе, сюек къалыр, адам ёлсе, иши къалыр.
- Аман къатын алгъан, арыр, иги къатын алгъан джарыр.
- Къайгъы тюбю – тенгиз.
- Ата Джуртуму башы болмасам да, босагъасында ташы болайым.
- Тюз сёз баргъан сууну тыяр.
- Къыйынлы джети элни къайгъысын этер.
- Телиге акъыл салгъандан эсе, ёлгеннге джан салырса.
- Къатын къылыкъсыз, эр тынчлыкъсыз.
- Уллу къашыкъ эрин джыртар.
- Башсыз урчукъ тюзюне айланмаз.
- Ариу джол аджал келтирмез.
- Ариу сёз – къылычдан джити.
- Аман эсирсе, юйюн ояр.
- Юйлю уругъа ит чабмаз.
- Чомарт къолда мал къалмаз.
- Адамны сыфатына къарама, сёзюне къара.
- Бети бедерден, намыс сакълама.
- Урунуу – насыбны анасы.
- Душманны тышы – акъ, ичи – къара.
- Элде адам къалмаса, ит тахтагъа минер.
- Дуния малгъа сатылма, кесингден телиге къатылма.
- Ёнгкюч къууана барыр, джылай келир.
- Ашатыргъа иш – ашхы, ишлетирге аш – ашхы.
- Адамны артындан къара сабан сюрме.
- Аманнга игилик этсенг, юйюнге сау бармазса.
- Чакъырылмагъан къонакъ къачан кетерин сормаз.
- Ашхы атаны – джашы ашхы, ашхы ананы – къызы ашхы.
- Тил бла келеди джыр да.
- Ойнай билмеген, уруб къачар.
- Сагъыш – къартлыкъгъа сюйюмчю.
- Окъугъанны бети джарыкъ.
- Джарлы тюеге минсе да, ит къабар.
- Тюзлюк тас болмайды.
- Къызбайны юйюне дери сюрсенг, батыр болур.
- Ишлегенден, къарагъан уста.
Честь народа
Читают тему (гостей: 1)