- Эринчекни эр алмаз, эр алса да, кёл салмаз, кёл салса да, кёб бармаз!
- Сабийликде юретмесенг, уллу болса – тюзелмез.
- Ауругъанны сау билмез, ач къарынны токъ билмез.
- Джюрекден джюрекге джол барды.
- Ишин билген, аны сыйын чыгъарады.
- Къолу уллу – асыу, аягъы уллу – джарсыу.
- Кёб къычыргъандан – къоркъма, тынч олтургъандан – къоркъ.
- Ишленмеклик адамлыкъды.
- Бастасын ашагъан, хантусун да ичер.
- Джюрекге ариу – кёзге да ариу.
- Тойгъан антын унутур.
- Этни бети бла шорпасы.
- Ачлыкъда тары гырджын халыуадан татлы.
- Тил – кесген бычакъ, сёз – атылгъан окъ.
- Биреу къой излей, биреу той излей.
- Кёзю сокъурдан – къоркъма, кёлю сокъурдан – къоркъ.
- Шекер бла туз – бир болмаз, ушамагъан – юй болмаз.
- Кимни – тили, тиши онглу, кимни – къолу, иши онглу.
- Айтылгъан буйрукъ, сёгюлмез
- Насыблы элин сюер, насыбсыз кесин сюер.
- Къобан да къуру да къобханлай турмайды, адам да къуру да патчахлай турмайды.
- Ёпкелегенни ашы татлы болады.
- Ат да турмайды бир териде.
- Адамгъа аман кюн соруб келмейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эки элинги тыйсанг, джети элде махталырса.
- Ашха уста, юйюнде болсун
- Ата – билек, ана – джюрек!
- Таякъ этден ётер, тил сюекден ётер.
- Гырджын – тепсини тамадасы.
- Артына баргъанны, къатына барма.
- Юйюнгден чыкъдынг – кюнюнгден чыкъдынг.
- Ач къарынны, токъ билмез
- Сёз къанатсыз учар.
- Къайтырыкъ эшигинги, къаты уруб чыкъма.
- Ашхы – джыяр, аман – джояр.
- Тойгъанлыкъ къойгъа джарашады.
- Душманны тышы – акъ, ичи – къара.
- Ёлген ийнек сютлю болур.
- Биреуню тёрюнден, кесинги эшик артынг игиди.
- Тёзгеннге, джабылгъан эшик ачылыр.
- Окъугъан озар, окъумагъан тозар.
- Айранны сюйген, ийнек тутар.
- Тойгъа барсанг, тоюб бар, эски тонунгу къоюб бар.
- Эл тойса, тоймагъан, эл къойса, къоймагъан.
- Акъыл сабырлыкъ берир.
- Кюл тюбюндеги от кёрюнмейди.
- Таугъа чыгъаллыкъ эсенг, тюзде къалма.
- Ёлмесенг да, къарт дамы болмазса?
- Иги сеники эсе да, сюйген кесимикин этеме.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)