- Къайтырыкъ эшигинги, къаты уруб чыкъма.
- Аджаллыгъа окъсуз шкок атылыр.
- Тойгъандан сора, ашны сёкме.
- Чыкълы кюнде чыкъмагъан, чыкъса къуру кирмеген.
- Къартны бурнун сюрт да, оноугъа тут.
- Чакъырылмагъан къонакъ къачан кетерин сормаз.
- Ач да бол, токъ да бол – намысынга бек бол.
- Уллу айтханны этмеген – уллаймаз.
- Ач уят къоймаз.
- Арбаз сайлама да, хоншу сайла.
- Тенгинг джокъ эсе – изле, бар эсе – сакъла!
- Гырджын – тепсини тамадасы.
- Азыкълы ат арымаз, къатыны аман джарымаз.
- Къонакъ аз олтурур, кёб сынар.
- Адамгъа аман кюн соруб келмейди.
- Кёкдеги болмаса, джердегин кёрмейди.
- Этни бети бла шорпасы.
- Ач къарным, тынч къулагъым.
- Аджашханны ызындагъы кёреди, джангылгъанны джанындагъы биледи.
- Къуллукъчума, деб махтанма, къуллукъ – хаух джамчыды!
- Аман адам элни бир-бирине джау этер.
- Сютден ауузу кюйген, суугъа юфгюре эди.
- Ауурну тюбю бла, дженгилни башы бла джюрюген.
- Адамны аманы адамны бети бла ойнар.
- Джырчы ёлсе, джыры къалыр.
- Джашда акъыл джокъ, къартда къарыу джокъ.
- Къатын къылыкъсыз, эр тынчлыкъсыз.
- Зар адамны насыбы болмаз.
- Нёгерсизни джолу узун.
- Ойнаб айтсанг да, эслеб айт.
- Акъыл бла адеб эгизледиле.
- Тенги кёбню джау алмаз, акъылы кёбню дау алмаз.
- Келгинчи, къонакъ уялыр, келгенден сора, къонакъбай уялыр.
- Кийимни бир кюнню аясанг, минг кюннге джарар.
- Эки ойлашыб, бир сёлешген.
- Джерни букъусу кёкге къонмаз.
- Айранын берсенг, челегин да къызгъанма.
- Оюмсуз атлагъан, аджалсыз ёлюр.
- Эл бла кёргенинг эрелей.
- Сабийликде юретмесенг, уллу болса – тюзелмез.
- Кёзден кетген, кёлден да кетеди.
- Кёбню кёрген – кёб билир.
- Къонагъы джокъну – шоху джокъ.
- Тойгъа барсанг, тоюб бар, эски тонунгу къоюб бар.
- Ач отунчуну ачыуу – бурнунда.
- Биреуню тёрюнден, кесинги эшик артынг игиди.
- Эринчекни эр алмаз, эр алса да, кёл салмаз, кёл салса да, кёб бармаз!
- Бир онгсуз адам адет чыгъарды, деб эштирик тюлсе.
- Айтханы чапыракъдан ётмеген.
- Ата Джуртча джер болмаз, туугъан элча эл болмаз.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)