- Ётюрюкчюню шагъаты – къатында.
- Къозулугъунда тоймагъан, къойлугъунда тоймаз.
- Байлыкъ келсе, акъыл кетер.
- Ауругъан – джашаудан умутчу.
- Ариу сёзде ауруу джокъ.
- Адамны сыфатына къарама, сёзюне къара.
- Кюн – узун, ёмюр – къысха.
- Кесине гебен этелмеген, биреуге черен эте эди.
- Джюз элде джюз ёгюзюм болгъандан эсе, джюз джууугъум болсун.
- Эртде тургъан джылкъычыны эркек аты тай табар.
- Ачлыкъда тары гырджын халыуадан татлы.
- Босагъагъа джууукъ орун болса, ашыгъыб тёрге озма.
- Адебсиз адам – джюгенсиз ат.
- Айраннга суу къош, телиге джол бош.
- Накъырда – кертини келечиси.
- Ётген ёмюр – акъгъан суу.
- Кёзден кетген, кёлден да кетеди.
- Баш – акъыл ючюн, акъылман – халкъ ючюн.
- Тынгылагъан тынгы бузар.
- Билим къая тешер.
- Аджашханны ызындагъы кёреди, джангылгъанны джанындагъы биледи.
- Нёгер болсанг, тенг бол, тенг болмасанг, кенг бол.
- Ойнай-ойнай кёз чыгъар.
- Кийимни бичсенг, кенг бич, тар этген къыйын тюлдю.
- Бичгенде ашыкъма, тикгенде ашыкъ.
- Сормай – алма, чакъырылмай – барма.
- Айырылгъанланы айю ашар, бёлюннгенлени бёрю ашар.
- Телиге акъыл салгъандан эсе, ёлгеннге джан салырса.
- Къыз келсе, джумуш эте келеди, къатын келсе, ушакъ эте келеди.
- Баргъанынга кёре болур келгенинг.
- Къатыны харакетли болса, эри къымсыз болур.
- Игини сыйлагъан адетди.
- Адамны артындан къара сабан сюрме.
- Чыбыкълыкъда бюгюлмеген, къазыкълыкъда бюгюлмей эди.
- Ачыкъ джюрекге джол – ачыкъ.
- Кеси юйюмде мен да ханма.
- Душманны тышы – акъ, ичи – къара.
- Атадан ёксюз – бир ёксюз, анадан ёксюз – эки ёксюз.
- Къошда джокъгъа – юлюш джокъ.
- Хатерли къул болур.
- Ётюрюкню башын керти кесер.
- Таякъ этден ётер, тил сюекден ётер.
- Эл ауузу – элия.
- Ашда – бёрю, ишде – ёлю.
- Байлыкъ тауусулур, билим тауусулмаз.
- Экеу тутушса, биреу джыгъылыр.
- Ариу сёз аурууунгу алыр.
- Ашхы болсанг, атынг чыгъар, аман болсанг, джанынг чыгъар.
- Ашхы атаны – джашы ашхы, ашхы ананы – къызы ашхы.
- Къызын тута билмеген, тул этер, джашын тута билмеген, къул этер.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)