- Алма терегинден кери кетмез.
- Джол бла сёзню къыйыры джокъ.
- Мал кёб болса, джууукъ кёб болур.
- Сормай – алма, чакъырылмай – барма.
- Тели турса – той бузар.
- Байлыкъ болгъан джерде, тынчлыкъ джокъду.
- Ишни аллы бла къууанма да, арты бла къууан.
- Эл бла кёргенинг эрелей.
- Къонакъ кёб келюучю юйню, къазаны отдан тюшмез.
- Гугурук къычырмаса да, тангны атары къалмаз.
- Айран ичген – къутулду, джугъусун джалагъан – тутулду.
- Джангызны оту джарыкъ джанмаз!
- Чомарт къолда мал къалмаз.
- Башы ишлегенни, ауузу да ишлер.
- Къыз келсе, джумуш эте келеди, къатын келсе, ушакъ эте келеди.
- Бек ашыкъгъан меннге джетсин, дегенди аракъы.
- Биреуге аманлыкъ этиб, кесинге игилик табмазса.
- Душманны тышы – акъ, ичи – къара.
- Билим насыб берир, билим джолну керир.
- Экиндини кеч къылсанг, чабыб джетер ашхам.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мадар болса, къадар болур.
- Юй ишлеген балта эшикде къалыр.
- Суугъа – чабакъ, къаягъа – ыргъакъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкню башын керти кесер.
- Уллу айтханны этмеген – уллаймаз.
- Къыз тиширыу кеси юйюнде да къонакъды.
- Тилчи бир сагъатха айлыкъ хата этер.
- Аз сёлешген, къайгъысыз турур.
- Терек ауса, отунчу – кёб.
- Джумушакъ терекни къурт ашар.
- Байны къызы баймакъ болса да, юйде къалмаз!
- Акъдан къара болмаз.
- Ашыкъгъанны этеги бутуна чырмалыр.
- Ариу сёз аурууунгу алыр.
- Дуния аламаты сен эсенг да, игиме деб айтма.
- Нафысынгы айтханын этме, намысынгы айтханын эт.
- Тенгни тенглиги джашай барсанг билинир.
- Джашлыкъ этмеген, башлыкъ этмез.
- Чоюнну башы ачыкъ болса, итге уят керекди.
- Сёз къанатсыз учар.
- Аз айтсам, кёб ангылагъыз.
- Нёгерсизни джолу узун.
- Мен да «сен», дейме, сен да «кесим», дейсе.
- Ауругъанны сау билмез, ач къарынны токъ билмез.
- Игини сыйлагъан адетди.
- Аш кетер да бет къалыр.
- Джети тилни билген джети кишиди.
- Ишлегенде эринме, ишде чолакъ кёрюнме.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)