- Элиб деген, элге болушур.
- Башда акъыл болмаса, эки аякъгъа кюч джетер.
- Тил бла келеди джыр да.
- Аманнга игилик этсенг, юйюнге сау бармазса.
- Аш кетер да бет къалыр.
- Кийиминг бла танылма, адамлыкъ бла таныл.
- Иги джашны ышаны – аз сёлешиб, кёб тынгылар.
- Таукел адам тау тешер.
- Тёгюлген тюгел джыйылмайды.
- Биреуню къыйынлыгъы бла кесинге джол ишлеме.
- Тилчи бир сагъатха айлыкъ хата этер.
- Кёзю сокъурдан – къоркъма, кёлю сокъурдан – къоркъ.
- Алим болгъандан эсе, адам болгъан къыйынды.
- Сыфатында болмагъаны, суратында болмаз.
- Ёксюзню къалачы уллу кёрюнюр.
- Сёз – кюмюш, джыр – алтын.
- Уясында не кёрсе, учханында аны этер.
- Оюмсуз атлагъан, аджалсыз ёлюр.
- Тойгъа барсанг, тоюб бар, эски тонунгу къоюб бар.
- Аш иеси бла татлыды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джангызны оту джарыкъ джанмаз!
- Артына баргъанны, къатына барма.
- Кёзден кетген, кёлден да кетеди.
- Келгинчи, къонакъ уялыр, келгенден сора, къонакъбай уялыр.
- Тойгъан антын унутур.
- Хар ишни да аллы къыйынды.
- Аякъларынгы джууургъанынга кёре узат.
- Эшекни не къадар тюйсенг да, ат болмаз.
- Джумушакъ терекни къурт ашар.
- Эл тойса, тоймагъан, эл къойса, къоймагъан.
- Тура эдим джата, къайдан чыкъды хата?
- Тёрдеги кюлсе, эшикдеги ышарыр.
- Уруну арты – къуру.
- Таш бла ургъанны, аш бла ур.
- Намыс болмагъан джерде, насыб болмаз.
- Джылыгъа джылан илешир.
- Суу кетер, таш къалыр.
- Терслик кетер, тюзлюк джетер.
- Къарын къуру болса, джюрек уру болур.
- Тилчи тилден къаныкъмаз.
- Эски джаугъа ышанма.
- Билеги кючлю, бирни джыгъар, билими кючлю, мингни джыгъар.
- Юйлю уругъа ит чабмаз.
- Телиге от эт десенг, юйюнге от салыр.
- Билим – акъылны чырагъы.
- Олтуруб кёрюнмей эди да, ёрге туруб кёрюне эди.
- Айныгъанлы алты кюн, тогъайгъанлы тогъуз кюн.
- Адамны джюреги нени кёрюрге сюйсе, кёзю да аны кёрюрге ёч болады.
- Биреуню тёрюнден, кесинги эшик артынг игиди.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)