- Чомартны къолун джокълукъ байлар.
- Кёб ант этген, кёб ётюрюк айтыр.
- Эртде тургъан бла эртде юйленнген сокъуранмаз.
- Къазанда болса, чолпугъа чыгъар.
- Кёб джашагъан – кёб билир.
- Нёгер болсанг, тенг бол, тенг болмасанг, кенг бол.
- Къонакъ болсанг, ийнакъ бол.
- Насыб бютеу халкъны юлюшюдю.
- Экеулен сёлеше тура эселе, орталарына барыб кирме.
- Къолунгдан къуймакъ ашатсанг да, атаны борчундан къутулмазса.
- Эте билген, этген этеди, эте билмеген, юретген этеди!
- Рысхы – сют юсюнде кёмюк кибикди.
- Аурууну келиую тынч, кетиую – къыйын.
- Таякъ этден ётер, тил сюекден ётер.
- Чабакъгъа акъыл, табагъа тюшсе келеди.
- Джаханимни кёрмей, джандетге кёл салмазса.
- Айранны сюйген, ийнек тутар.
- Ёнгкюч къууана барыр, джылай келир.
- Аманнга да, игиге да оноусуз къатышма.
- Къонакъ аман болса, къонакъбай джунчур
- Чомартны къолу берекет.
- Джылар джаш, атасыны сакъалы бла ойнар.
- Айныгъанлы алты кюн, тогъайгъанлы тогъуз кюн.
- Аллахха ийнаннган кишини, Аллах онгдурур ишин.
- Эм уллу байлыкъ – джан саулукъ.
- Акъыллы башны – тили къысха.
- Аманнга игилик этсенг, юйюнге сау бармазса.
- Адамны адамлыгъы къыйынлыкъда айгъакъланады.
- Бал – татлы, балдан да бала – татлы.
- Тёрдеги кюлсе, эшикдеги ышарыр.
- Ариу – кёзге, акъыл – джюрекге.
- Чабакъ башындан чирийди.
- Чакъырылмай келген къонакъ сыйланмай кетер.
- Мураты болгъанны джюрек тебюую башхады.
- Эл элде бирер малынг болгъандан эсе, бирер тенгинг болсун.
- Къонакъ аз олтурур, кёб сынар.
- Чалманны аллы къалай башланса, арты да алай барады.
- Тура эдим джата, къайдан чыкъды хата?
- Тин – байлыгъынг, терен саулугъунг.
- Кёлю джокъну – джолу джокъ.
- Эркиши – от, тиширыу – суу.
- Чомарт къонакъ юй иесин сыйлар.
- Сормай – алма, чакъырылмай – барма.
- Артына баргъанны, къатына барма.
- Сибиртки да сыйлы болду, кюрек да кюнлю болду.
- Эл бла кёргенинг эрелей.
- Хар сёзню орну барды.
- Ёлюк кебинсиз къалмаз.
- Ачны эсинде – аш.
- Байлыкъдан саулукъ ашхыды.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 2)