- Эр абынмай, эл танымаз.
- Аш хазыр болса, иш харам болур.
- Джуртун къоругъан озар.
- Эки ойлашыб, бир сёлешген.
- Нарт сёз – тилни бети.
- Къоркъакъны кёзю экили кёрюр.
- Айраннга суу къош, телиге джол бош.
- Булут кёкге джарашыу, уят бетге джарашыу.
- Ишлерге уял да, ашаргъа табма.
- Ишге юренсин къоллары, халкъ бла болсун джоллары.
- Ата Джуртча джер болмаз, туугъан элча эл болмаз.
- Кёб джат да, бек чаб.
- Ауругъанны сау билмез, ач къарынны токъ билмез.
- Къарт болгъан джерде, берекет болур, сабий болгъан джерде, оюн болур.
- Джангыз торгъай джырламаз.
- Байлыкъ келсе, акъыл кетер.
- Чакъырылмай келген къонакъ сыйланмай кетер.
- Арба аугъандан сора, джол кёргюзтюучю кёб болур.
- Тёрдеги кюлсе, эшикдеги ышарыр.
- Терслик кетер, тюзлюк джетер.
- Игилик игилик бла сингдирилиучю затды.
- Джылар джаш, атасыны сакъалы бла ойнар.
- Мухарны эси – ашарыкъда.
- Тил – миллетни джаны.
- Ёлюр джаннга, ёкюл джокъ.
- Атлыны ашхысы, ат тизгининден билинир
- Къатын байлыкъны сюер, эр саулукъну сюер.
- Айтылгъан сёз ызына къайтмаз.
- Ашхы адам – халкъ байлыгъы, ашхы джер – джашау байлыгъы.
- Аман адам этегингден тутса, кес да къач.
- Экеулен сёлеше тура эселе, орталарына барыб кирме.
- Тыш элде солтан болгъандан эсе, кесинги элде олтан болгъан игиди!
- Акъылсызны джууукъгъа алма, акъыллыны кенгнге салма.
- Бек анасы джыламаз.
- Аманны къуугъан, аманлыкъ табар.
- Билмейме деген – бир сёз
- Тюзню ётмеги тюзде къалса да, тас болмаз.
- Джолда аягъынга сакъ бол, ушакъда тилинге сакъ бол.
- Къарт айтханны этмеген, къартаймаз.
- Тил джюрекге джол ишлейди.
- Игиге айтсанг – билир, аманнга айтсанг – кюлюр.
- Баш – акъыл ючюн, акъылман – халкъ ючюн.
- Ашхы тенг джолгъа салыр, аман тенг джолдан тайдырыр.
- Ачыу алгъа келсе, акъыл артха къалады.
- Уллу къазанда бишген эт, чий къалмаз.
- Адамгъа аман кюн соруб келмейди.
- Ётюрюкчюню шагъаты – къатында.
- Къобан да къуру да къобханлай турмайды, адам да къуру да патчахлай турмайды.
- Эртде тургъан бла эртде юйленнген сокъуранмаз.
- Къонакъ аз олтурур, кёб сынар.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)