- Ата – билек, ана – джюрек!
- Къобан да къуру да къобханлай турмайды, адам да къуру да патчахлай турмайды.
- Берекет берсин деген джерде, берекет болур.
- Башы джабылгъан челекге, кир тюшмез.
- Ана кёлю – балада, бала кёлю – талада.
- Эртде тургъан джылкъычыны эркек аты тай табар.
- Джюз элде джюз ёгюзюм болгъандан эсе, джюз джууугъум болсун.
- Иги адам абынса да, джангылмаз.
- Тюз сёз баргъан сууну тыяр.
- Тёзгеннге, джабылгъан эшик ачылыр.
- Эркишини аманы тиширыуну джылатыр.
- Къарыусузгъа кюлме, онгсузгъа тийме.
- Джиби бир къат джетмей эди да, эки къат тарта эди.
- Тойгъан джерге джети къайт.
- Сыфатында болмагъаны, суратында болмаз.
- Суу да къайтады чыкъгъан джерине.
- Къоркъакъны кёзю экили кёрюр.
- Къарнынг къанлынга кийирир.
- Тин – байлыгъынг, терен саулугъунг.
- Тилсиз миллет джокъ болур.
- Нафысынгы айтханын этме, намысынгы айтханын эт.
- Иги джашны ышаны – аз сёлешиб, кёб тынгылар.
- Ашхы сёз таш тешер.
- Ач келгенни – тойдур, кеч келгенни – къондур.
- Чыбыкълыкъда бюгюлмеген, къазыкълыкъда бюгюлмей эди.
- Аман эсирсе, юйюн ояр.
- Таула не мийик болсала да, аууш табылыр.
- Билимли ёлмез, билимсиз кёрмез.
- Чабар ат – джетген къыз.
- Чабакъсыз кёлге къармакъ салгъанлыкъгъа, чабакъ тутмазса.
- Адамны аманы адамны бети бла ойнар.
- Керилген да, ургъан кибикди.
- Ата Джуртун танымагъан, атасын да танымаз.
- Элге къуллукъ этмеген, элге ие болмаз.
- Гугук кесини атын айтыб къычыргъанча, мен, мен деб нек тураса?
- Мал тутхан – май джалар.
- Орундукъ тюбюнде атылсам да, орта джиликме, де да айлан.
- Мураты болгъанны джюрек тебюую башхады.
- Къонакъ болсанг, ийнакъ бол.
- Баш болса, бёрк табылыр.
- Ойнай билмеген, оюн бузар.
- Кёкдеги болмаса, джердегин кёрмейди.
- Туз, гырджын аша, тюзлюк бла джаша.
- Эринчекни аурууу – кёб.
- Тюзню ётмеги тюзде къалса да, тас болмаз.
- Ашхы тенг джолгъа салыр, аман тенг джолдан тайдырыр.
- Аман киши кеси юйюнде – къонакъ.
- Сакъалы текени да бар, мыйыгъы киштикни да бар.
- Къазанда болса, чолпугъа чыгъар.
- Башсыз урчукъ тюзюне айланмаз.
Тукъумланы атауллары
27.05.2008 12:43:11
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
28.05.2008 12:06:16
блай къарайма да не киши тукъумун билдирирге излемейди, не да атаулларын билмейдиле!
|
|
|
|
28.05.2008 20:51:05
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
29.05.2008 12:43:27
Мен Борлакъладан ,Атаул-джернеслери))
|
|
|
|
29.05.2008 17:52:10
айыб этмегиз, атаул деп кимге айтасыз? основатель рода деген магъанадамы?
|
|
|
|
11.06.2008 12:43:34
Мен Дотдайладан, атаулум - Герийладан :smt006
|
|
|
|
21.06.2008 23:45:22
Мен Езденледенме, атаулум - Хуртдаладан :smt006
|
|
|
|
12.08.2010 14:39:18
Мен Байчораладанма,атаулм-Бёдене!
|
|
|
|
03.12.2010 00:55:07
М н
|
|
|
|
08.12.2010 16:52:52
Мен Чомаладанма, атаул - Алдамазлары
|
|
|
|
12.11.2011 01:19:58
Мен Хасанладанма, атаулум Хызырлары.
|
||||
|
|
|||
Читают тему (гостей: 1)