- Акъыллы – эл иеси, тели – эл баласы.
- Джылар джаш, атасыны сакъалы бла ойнар.
- Джолда аягъынга сакъ бол, ушакъда тилинге сакъ бол.
- Чыкълы кюнде чыкъмагъан, чыкъса къуру кирмеген.
- Ариу джол аджал келтирмез.
- Джерни букъусу кёкге къонмаз.
- Байлыкъ адамны сокъур этер.
- Тыш элде солтан болгъандан эсе, кесинги элде олтан болгъан игиди!
- Душманны тышы – акъ, ичи – къара.
- Ариу сёзде ауруу джокъ.
- Джарлыны эшигин махтагъан джабар.
- Чыбыкълыкъда бюгюлмеген, къазыкълыкъда бюгюлмей эди.
- Мураты болгъанны джюрек тебюую башхады.
- Урама да – ёледи, сатама да – келеди.
- Сёз сёзню айтдырыр.
- Сакъалы текени да бар, мыйыгъы киштикни да бар.
- Сангырау къулакъ эл бузар.
- Къартны сыйын кёрмеген, къартлыгъында сыйлы болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Рысхы – насыбха къор.
- Къар – келтирди, суу – элтди.
- Эртде тургъан джылкъычыны эркек аты тай табар.
- Уллу суу бла уллу ауруудан башынгы сакъла.
- Aдам боллукъ, сыфатындан белгили.
- Аууз сакълагъан – джан сакълар.
- Хунаны тюбюн къазсанг, юсюнге ауар.
- Эрни эр этерик да, къара джер этерик да, тиширыуду.
- Акъыл бла адеб эгизледиле.
- Къызын тута билмеген, тул этер, джашын тута билмеген, къул этер.
- Адамны адамлыгъы къыйынлыкъда айгъакъланады.
- Алгъанда – джууукъ, бергенде – джау.
- Тойгъан джерге джети къайт.
- Алтыннга тот къонмаз.
- Къулакъдан эсе, кёзге ышан.
- Тамбла алтындан бюгюн багъыр ашхы.
- Элиб деген, элге болушур.
- Джумушакъ терекни къурт ашар.
- Таукелге нюр джауар.
- Сютден ауузу кюйген, суугъа юфгюре эди.
- Кечеси – аяз, кюню – къыш, джарлы къаргъагъа бир аш тюш!
- Бети – къучакълар, джюреги – бычакълар.
- Кирсизни – саны таза, халалны – къаны таза.
- Эркиши – от, тиширыу – суу.
- Ким бла джюрюсенг, аны кёзю бла кёрюнюрсе.
- Чакъырылгъанны аты, чакъырылмагъанны багъасы болур.
- Нёгерсизни джолу узун.
- Байлыкъ тауусулур, билим тауусулмаз.
- Аш иеси бла татлыды.
- Мен да «сен», дейме, сен да «кесим», дейсе.
- Джашлыкъ этмеген, башлыкъ этмез.
Тукъумланы атауллары
27.05.2008 12:43:11
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
28.05.2008 12:06:16
блай къарайма да не киши тукъумун билдирирге излемейди, не да атаулларын билмейдиле!
|
|
|
|
28.05.2008 20:51:05
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
29.05.2008 12:43:27
Мен Борлакъладан ,Атаул-джернеслери))
|
|
|
|
29.05.2008 17:52:10
айыб этмегиз, атаул деп кимге айтасыз? основатель рода деген магъанадамы?
|
|
|
|
11.06.2008 12:43:34
Мен Дотдайладан, атаулум - Герийладан :smt006
|
|
|
|
21.06.2008 23:45:22
Мен Езденледенме, атаулум - Хуртдаладан :smt006
|
|
|
|
12.08.2010 14:39:18
Мен Байчораладанма,атаулм-Бёдене!
|
|
|
|
03.12.2010 00:55:07
М н
|
|
|
|
08.12.2010 16:52:52
Мен Чомаладанма, атаул - Алдамазлары
|
|
|
|
12.11.2011 01:19:58
Мен Хасанладанма, атаулум Хызырлары.
|
||||
|
|
|||
Читают тему (гостей: 1)