- Нёгерсизни джолу узун.
- Акъыл бла адеб эгизледиле.
- Итли къонакъ джарашмаз.
- Ётген ёмюр – акъгъан суу.
- Гугук кесини атын айтыб къычыргъанча, мен, мен деб нек тураса?
- Чакъырылгъанны аты, чакъырылмагъанны багъасы болур.
- Махтаннган къыз, тойда джукълар.
- Аллахдан тилесенг, кёб тиле.
- Ата – билек, ана – джюрек!
- Окъугъанны бети джарыкъ.
- Акъыллы айтыр эди, акъылсыз къоймайды.
- Акъыл сабырлыкъ берир.
- Къазанны башы ачыкъ болса, итге уят керекди.
- Ашлыкъ – бюртюкден, джюн – тюкден.
- Хансыз джомакъ болмаз.
- Мал ёлсе, сюек къалыр, адам ёлсе, иши къалыр.
- Мен да «сен», дейме, сен да «кесим», дейсе.
- Ашхы атаны – джашы ашхы, ашхы ананы – къызы ашхы.
- Онгсузну – джакъла, тенгликни – сакъла.
- Юреннген ауруу къалмаз.
- Суу кетер, таш къалыр.
- Къызны минг тилер, бир алыр.
- Атлыны кёрсе, джаяуну буту талыр.
- Эки элинги тыйсанг, джети элде махталырса.
- Бал ашаргъа сюе эсенг, чибин ургъаннга тёз.
- Къайтырыкъ эшигинги, къаты уруб чыкъма.
- Тюз сёз баргъан сууну тыяр.
- Бек ашыкъгъан меннге джетсин, дегенди аракъы.
- Борчунг бар эсе, хурджунунга ойлаб узал.
- Эл тойса, тоймагъан, эл къойса, къоймагъан.
- Ата – баланы уясы.
- Адам сёзюнден белгили.
- Чакъырылмагъан къонакъ къачан кетерин сормаз.
- Ашда уялгъан – мухар, ишде уялгъан – хомух.
- Джарлы джети элни сёзюн этер.
- Къарнынг къанлынга кийирир.
- Таугъа чыгъаллыкъ эсенг, тюзде къалма.
- Адамны аманы адамны бети бла ойнар.
- Танг атмайма десе да, кюн къоярыкъ тюйюлдю.
- Ишни ахырын ойламай, аллын башлама.
- Джюрек кёзден алгъа кёрюр.
- Келинин тута билмеген, къул этер, къызын тута билмеген, тул этер.
- Бетинги сатма, малынгы сат.
- Билим насыб берир, билим джолну керир.
- Таукелге нюр джауар.
- Къобан да къуру да къобханлай турмайды, адам да къуру да патчахлай турмайды.
- Адеби болмагъан къыз – тузсуз хант.
- Хар зат кесини орнуна иги.
- Джылар джаш, атасыны сакъалы бла ойнар.
- Артына баргъанны, къатына барма.
