- Тойгъанлыкъ къойгъа джарашады.
- Эл ауузу – элия.
- Уясында не кёрсе, учханында аны этер.
- Игиге айтсанг – билир, аманнга айтсанг – кюлюр.
- Ата – баланы уясы.
- Адамны сабийин сюйген джюреги, бычакъча, джитиди.
- Миллетни бойну – базыкъ, аны бла кюрешген – джазыкъ.
- Бир абыннган – минг сюрюнюр.
- Къонакъ аз олтурур, кёб сынар.
- Тёрдеги кюлсе, эшикдеги ышарыр.
- Сагъышы джокъ – джукъучу, акъылы джокъ – къаугъачы.
- Тилде сюек болмаса да, сюек сындырыр.
- Айыбны суу бла джууалмазса.
- Мадар болса, къадар болур.
- Билмезни кёзю кёрмез, этмезни къулагъы эшитмез.
- Эки элинги тыйсанг, джети элде махталырса.
- Уллу сёзде уят джокъ.
- Эм ашхы къайын ана мамукъ бла башынгы тешер.
- Бичгенде ашыкъма, тикгенде ашыкъ.
- Джарлы тюеге минсе да, ит къабар.
- Джылар джаш, атасыны сакъалы бла ойнар.
- Нарт сёз – тилни бети.
- Термилгенинги табмазса, кюлгенинге тюберсе.
- Адамны бетине къарама, адетине къара.
- Илму – джашауну джолу.
- Бек ашыкъгъан меннге джетсин, дегенди аракъы.
- Эрине къаргъыш этген къатын, эрнин къабар.
- Иги сёз – джаннга азыкъ, аман сёз башха – къазыкъ.
- Тынгылагъан тынгы бузар.
- Тойну къарнашы – харс, джырны къарнашы – эжиу.
- Аманнга алтын чыдамаз.
- Джырына кёре эжиую.
- Тура эдим джата, къайдан чыкъды хата?
- Кирсизни – саны таза, халалны – къаны таза.
- Билгенни къолу къарны джандырыр.
- Тойгъа барсанг, тоюб бар, эски тонунгу къоюб бар.
- Бал чибинни ургъаны – ачы, балы – татлы.
- Къыйынлы джети элге оноу этер.
- Ашда – бёрю, ишде – ёлю.
- Ханы къызы буюгъа-буюгъа киштик болду.
- Ишленмеген джаш – джюгенсиз ат, ишленмеген къыз – тузсуз хант.
- Тенгни тенглиги джашай барсанг билинир.
- Акъыллы – эл иеси, тели – эл баласы.
- Кеси юйюмде мен да ханма.
- Къарт айтханны этмеген, къартаймаз.
- Тыш элде солтан болгъандан эсе, кесинги элде олтан болгъан игиди!
- Ариу джол аджал келтирмез.
- Чомартха хар кюн да байрамды.
- Ач бёрюге мекям джокъ.
- Ишни аллы бла къууанма да, арты бла къууан.
Лекции "70 воспитательных польз от поста"
Читают тему (гостей: 1)