- Ётген ёмюр – акъгъан суу.
- Эл тойса, тоймагъан, эл къойса, къоймагъан.
- Дуния мал дунияда къалады.
- Иги адам абынса да, джангылмаз.
- Арбаз сайлама да, хоншу сайла.
- Кёб джат да, бек чаб.
- Асхат ашлыкъ сата, юйдегиси ачдан къата.
- Этим кетсе да, сюегим къалыр.
- Ишге юренсин къоллары, халкъ бла болсун джоллары.
- Бек анасы джыламаз.
- Аман адам этегингден тутса, кес да къач.
- Кёб ант этген, кёб ётюрюк айтыр.
- Рысхы – сют юсюнде кёмюк кибикди.
- Дууулдаса – бал чибин, къонса – къара чибин.
- Гугук кесини атын айтыб къычыргъанча, мен, мен деб нек тураса?
- Ауругъаннга – кийик саулукъ, джетген къызгъа – чилле джаулукъ.
- Ауругъанны сау билмез, ач къарынны токъ билмез.
- Ашда – бёрю, ишде – ёлю.
- Аманны къуугъан, аманлыкъ табар.
- Окъдан джара эртде-кеч болса да бителир, сёз джара, ёмюрге къалыр.
- Дженгил джетерикме деб, узун джолну къоюб, къысхасын барма.
- Хар сёзню орну барды.
- Биреуню эскиси биреуге джангы болмайды.
- Джарлы тюеге минсе да, ит къабар.
- Бёрю да ач къалмасын, эчки да ашалмасын.
- Таула не мийик болсала да, аууш табылыр.
- Къайтырыкъ эшигинги, къаты уруб чыкъма.
- Къартны бурнун сюрт да, оноугъа тут.
- Эки элинги тыйсанг, джети элде махталырса.
- Аурууну келиую тынч, кетиую – къыйын.
- Биреуню тёрюнден, кесинги эшик артынг игиди.
- Ачлыкъда тары гырджын халыуадан татлы.
- Къонакъ аз олтурур, кёб сынар.
- Сагъышы джокъ – джукъучу, акъылы джокъ – къаугъачы.
- Адамгъа аман кюн соруб келмейди.
- Ойнай билмеген, оюн бузар.
- Ачылгъан эт джабылыр, кёрген кёз унутмаз.
- Эшекге миннген – биринчи айыб, андан джыгъылгъан – экинчи айыб.
- Сабий кёргенин унутмаз.
- Тойчу джашха къарама, къойчу джашха къара.
- Ата – билек, ана – джюрек!
- Джетген къыз джерли эшекни танымаз.
- Джыгъылгъанны сырты джерден тоймаз.
- Биреуню къыйынлыгъы бла кесинге джол ишлеме.
- Урама да – ёледи, сатама да – келеди.
- Сормай – алма, чакъырылмай – барма.
- Рысхы джалгъанды: келген да этер, кетген да этер.
- Чакъырылмагъан джерге барма, чакъырылгъан джерден къалма.
- Тас болгъан бычакъны сабы – алтын.
- Джангыз торгъай джырламаз.
Благодатный ли огонь?
Читают тему (гостей: 1)