- Туз, гырджын аша, тюзлюк бла джаша.
- Насыблы элин сюер, насыбсыз кесин сюер.
- Аман адам элни бир-бирине джау этер.
- Къаллай салам берсенг, аллай джууаб алырса.
- Эркишиге тары кебек танг кёрюнюр.
- Тёрдеги кюлсе, эшикдеги ышарыр.
- Гырджын – тепсини тамадасы.
- Къонакъны къачан кетерин сорма, къачан келлигин сор.
- Кийимни бичсенг, кенг бич, тар этген къыйын тюлдю.
- Атлыны кёрсе, джаяуну буту талыр.
- Ашлыкъны арба юйге келтирир, чана базаргъа элтир.
- Бастасын ашагъан, хантусун да ичер.
- Тойгъан джерден туугъан джер игиди.
- Джангыз терек къынгыр ёсер.
- Тай асырагъан, атха минер.
- Тулпарлыкъ, билекден тюл – джюрекден.
- Джыгъылгъанны сырты джерден тоймаз.
- Аш берме да, къаш бер.
- Тойгъанлыкъ къойгъа джарашады.
- Тил джюрекге джол ишлейди.
- Билимли ёлмез, билимсиз кёрмез.
- Таукел къуру къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Аманнга алтын чыдамаз.
- Тюз сёз баргъан сууну тыяр.
- Хар зат кесини орнуна иги.
- Сагъышы джокъ – джукъучу, акъылы джокъ – къаугъачы.
- Джюрекден джюрекге джол барды.
- Аш кетер да бет къалыр.
- Кютгени беш эчки, сызгъыргъаны уа, джерни джарады.
- Иги сёз – джаннга азыкъ, аман сёз башха – къазыкъ.
- Кенгеш болса, уруш болмаз.
- Керек ташны ауурлугъу джокъ.
- Аууз сакълагъан – джан сакълар.
- Къонакъ хазыр болгъанлыкъгъа, къонакъбай хазыр тюлдю.
- Чакъырылмагъан джерге барма, чакъырылгъан джерден къалма.
- Шапа кёб болса, аш татымсыз болур.
- Ата Джуртуму башы болмасам да, босагъасында ташы болайым.
- Иги сеники эсе да, сюйген кесимикин этеме.
- Адам боллукъ, атламындан белгили болур.
- Биреуню тёрюнден, кесинги эшик артынг игиди.
- Узун джолну барсанг, бюгюн келирсе, къысха джолну барсанг, тамбла келирсе.
- Экеу тутушса, биреу джыгъылыр.
- Къайтырыкъ эшигинги, къаты уруб чыкъма.
- Таш бла ургъанны, аш бла ур.
- Сагъыш – къартлыкъгъа сюйюмчю.
- Аман адам этегингден тутса, кес да къач.
- Эм уллу байлыкъ – джан саулукъ.
- Тил бла келеди джыр да.
- Хунаны тюбюн къазсанг, юсюнге ауар.
ХАДИСЫ
Читают тему (гостей: 1)