- Халкъны джырын джырласанг, халкъ санга эжиу этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Кёкдеги болмаса, джердегин кёрмейди.
- Ёпкелегенни ашы татлы болады.
- Къонакъ хазыр болгъанлыкъгъа, къонакъбай хазыр тюлдю.
- Къонакъ аз олтурур, кёб сынар.
- Тилчиден кери бол.
- Гугук кесини атын айтыб къычыргъанча, мен, мен деб нек тураса?
- Бал чибинни ургъаны – ачы, балы – татлы.
- Рысхы – сют юсюнде кёмюк кибикди.
- Насыб бютеу халкъны юлюшюдю.
- Аманнга алтын чыдамаз.
- Эл ауузу – элия.
- Кёл ашады да, кеси ашады.
- Кёбню кёрген – кёб билир.
- Эшекге миннген – биринчи айыб, андан джыгъылгъан – экинчи айыб.
- Ургъан суудан башынгы сакъла.
- Эрине къаргъыш этген къатын, эрнин къабар.
- Окъ къызбайны джокълайды.
- Акъыл къартда, джашда тюйюлдю – башдады.
- Аз сёлешген, къайгъысыз турур.
- Ётюрюкню къуйругъу – бир тутум.
- Намыс болмагъан джерде, насыб болмаз.
- Ат басханны джер билед.
- Ач бёрюге мекям джокъ.
- Иши джокъну, сыйы джокъ.
- Аууздан келген, къолдан келсе, ким да патчах болур эди.
- Алма терегинден кери кетмез.
- Аурууну келиую тынч, кетиую – къыйын.
- Тура эдим джата, къайдан чыкъды хата?
- Къонагъы джокъну – шоху джокъ.
- Аджалсыз ёлюм болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къарнынг къанлынга кийирир.
- Магъанасыз сёз – тауушсуз сыбызгъы.
- Башсыз урчукъ тюзюне айланмаз.
- Хазыр ашха – терен къашыкъ.
- Адам сёзге тынгыла, акъыл сёзню ангыла.
- Билмейме деген – бир сёз
- Илму – джашауну джолу.
- Миллетни бойну – базыкъ, аны бла кюрешген – джазыкъ.
- Дуния мал дунияда къалады.
- Алтыда кюлмеген, алтмышда кюлмез.
- Хунаны тюбюн къазсанг, юсюнге ауар.
- Бозаны арты дауур болур.
- Къызын тута билмеген, тул этер, джашын тута билмеген, къул этер.
- Сёз сёзню айтдырыр.
- Аман хансны – урлугъу кёб.
- Къартны бурнун сюрт да, оноугъа тут.
- Иги джашны ышаны – аз сёлешиб, кёб тынгылар.
Ошибка!
Для просмотра темы введите ваши логин и пароль.Пожалуйста, авторизуйтесь: