- Тулпарлыкъ, билекден тюл – джюрекден.
- Нарт сёз – тилни бети.
- Чабакъгъа акъыл, табагъа тюшсе келеди.
- Насыб бютеу халкъны юлюшюдю.
- Ойнай-ойнай кёз чыгъар.
- Джылар джаш, атасыны сакъалы бла ойнар.
- Аджалсыз ёлюм болмаз.
- Къонакъ кёб келюучю юйню, къазаны отдан тюшмез.
- Билим ат болуб да чабар, къуш болуб да учар.
- Юй кюйдю да, кюйюз чыкъды, ортасындан тюйюш чыкъды.
- Чакъырылмагъан къонакъ къачан кетерин сормаз.
- Тойчу джашха къарама, къойчу джашха къара.
- Аджаллыгъа окъсуз шкок атылыр.
- Ашда уялгъан – мухар, ишде уялгъан – хомух.
- Къатын байлыкъны сюер, эр саулукъну сюер.
- Аджал соруб келмез, келсе, къайтыб кетмез.
- Ойнаб айтсанг да, эслеб айт.
- Иесиз малны бёрю ашар.
- Аз сёлеш, кёб ишле.
- Адебсиз адам – джюгенсиз ат.
- Элни кючю – эмеген.
- Aдам боллукъ, сыфатындан белгили.
- Ата Джуртуму башы болмасам да, босагъасында ташы болайым.
- Тик ёргени, тик энгишгеси да болады.
- Тойгъан джерге джети къайт.
- Ханы къызы буюгъа-буюгъа киштик болду.
- Хунаны тюбюн къазсанг, юсюнге ауар.
- Ашыкъгъанны этеги бутуна чырмалыр.
- Аллахдан тилесенг, кёб тиле.
- Сангырау къулакъ эл бузар.
- Джырына кёре эжиую.
- Адебни адебсизден юрен.
- Джаз бир кюнню джатсанг, къыш талай кюнню абынырса.
- Аманны эки битли тону болур, бирин сеннге кийдирир, бирин кеси киер.
- Кесине оноу эте билмеген, халкъына да эте билмез.
- Байлыкъ келсе, акъыл кетер.
- Ёлген эшек бёрюден къоркъмайды.
- Айныгъанлы алты кюн, тогъайгъанлы тогъуз кюн.
- Джылкъыдан – ат чыгъар, тукъумдан – джаш чыгъар.
- Ат басханны джер билед.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тилчи тилден къаныкъмаз.
- Артына баргъанны, къатына барма.
- Джаным-тиним – окъуу, билим.
- Эм уллу байлыкъ – джан саулукъ.
- Кёбден умут этиб, аздан къуру къалма.
- Къыз тиширыу кеси юйюнде да къонакъды.
- Адеби болмагъан къыз – тузсуз хант.
- Азыгъы аз, алгъа къабар, аты аман, алгъа чабар.
- Башда акъыл болмаса, эки аякъгъа кюч джетер.
Ошибка!
Для просмотра темы введите ваши логин и пароль.Пожалуйста, авторизуйтесь: