- Ата Джуртча джер болмаз, туугъан элча эл болмаз.
- Къарын къуру болса, джюрек уру болур.
- Джан саулукъ бермей, сан саулукъ бермезсе.
- Эркишини аманы тиширыуну джылатыр.
- Шайтан алдады, тюзлюк къаргъады.
- Акъыллы башны – тили къысха.
- Аууздан келген, къолдан келсе, ким да патчах болур эди.
- Байдан умут эте, джарлыдан ёгюз багъасы къорады.
- Рысхысына кёре, джаш ёсер, къышлыгъына кёре, мал ёсер.
- Сютден ауузу кюйген, суугъа юфгюре эди.
- Ханнга да келеди хариблик.
- Бёрю да ач къалмасын, эчки да ашалмасын.
- Адеб базарда сатылмаз.
- Ач, тоймам, дейди, тойгъан, ач болмам, дейди.
- Джаралыны джастыгъында сау ёлюр.
- Айыбны суу бла джууалмазса.
- Гугук кесини атын айтыб къычыргъанча, мен, мен деб нек тураса?
- Шапа кёб болса, аш татымсыз болур.
- Чакъырылмагъан къонакъ къачан кетерин сормаз.
- Къарнынг тойгъунчу аша да, белинг талгъынчы ишле.
- Aдам боллукъ, сыфатындан белгили.
- Кёз – сюйген джерде, къол – ауругъан джерде.
- Кёкдеги болмаса, джердегин кёрмейди.
- Эте билген, этген этеди, эте билмеген, юретген этеди!
- Ёзденликни кёбю ётюрюк.
- Окъугъан озар, окъумагъан тозар.
- Къолунгдан къуймакъ ашатсанг да, атаны борчундан къутулмазса.
- Тойгъанлыкъ къойгъа джарашады.
- Къая джолда джортма, ачыкъ сёзден къоркъма.
- Къартха ушагъан джаш – акъыллы, джашха ушагъан къарт – тели.
- Юре билмеген ит, къонакъ келтирир.
- Атадан ёксюз – бир ёксюз, анадан ёксюз – эки ёксюз.
- Башы ишлегенни, ауузу да ишлер.
- Ётюрюк хапар аякъ тюбю бла джюрюйдю.
- Эркишиге тары кебек танг кёрюнюр.
- Башынга джетмегенни сорма.
- Сагъыш – къартлыкъгъа сюйюмчю.
- Суу да къайтады чыкъгъан джерине.
- Билмезни кёзю кёрмез, этмезни къулагъы эшитмез.
- Байны къызы баймакъ болса да, юйде къалмаз!
- Къызны минг тилер, бир алыр.
- Бетинги сатма, малынгы сат.
- Къайгъыны сюйген, къайгъы табар.
- Башы джабылгъан челекге, кир тюшмез.
- Ариу сёз – джаннга азыкъ, аман сёз – башха къазыкъ.
- Айранны сюйген, ийнек тутар.
- Ишни ахырын ойламай, аллын башлама.
- Къызын тута билмеген, тул этер, джашын тута билмеген, къул этер.
- Байны оноуу, джарлыгъа джарамаз.
- Чомартха хар кюн да байрамды.
Внимание!
Сообщение будет показано после одобрения модератором.
Ростислав Туровский: Земельный вопрос был главным фактором нестабильности в Кабардино-Балкарии
Внимание!
Сообщение будет показано после одобрения модератором.
Читают тему (гостей: 1)