- Аман адам этегингден тутса, кес да къач.
- Билимли ёлмез, билимсиз кёрмез.
- Джумушакъ терекни къурт ашар.
- Халкъгъа джарагъан, джарлы къалмаз.
- Адеб джокъда, намыс джокъ.
- Иги адам абынса да, джангылмаз.
- Кюн – узун, ёмюр – къысха.
- Тойчу джашха къарама, къойчу джашха къара.
- Зар адам ашынгы ашар, кесинги сатар.
- Къанны къан бла джуума, аманны аман бла къуума.
- Ёнгкюч къууана барыр, джылай келир.
- Эрни эр этерик да, къара джер этерик да, тиширыуду.
- Ачылгъан эт джабылыр, кёрген кёз унутмаз.
- Ишлерге уял да, ашаргъа табма.
- Аджалсыз ёлюм болмаз.
- Сууда джау джокъ, кёб сёзде магъана джокъ.
- Бети – къучакълар, джюреги – бычакълар.
- Сагъышы джокъ – джукъучу, акъылы джокъ – къаугъачы.
- Ач келгенни – тойдур, кеч келгенни – къондур.
- Нёгерсизни джолу узун.
- Эшекге миннген – биринчи айыб, андан джыгъылгъан – экинчи айыб.
- Хоншуну тауугъу къаз кёрюнюр, келини къыз кёрюнюр.
- Айныгъанлы алты кюн, тогъайгъанлы тогъуз кюн.
- Ауузу бла къуш тута айланады.
- Алтыда кюлмеген, алтмышда кюлмез.
- Малны кют, джерни тюрт.
- Акъдан къара болмаз.
- Аурууну келиую тынч, кетиую – къыйын.
- Айтхан сёзюне табылгъан.
- Эркиши – от, тиширыу – суу.
- Байны къызы баймакъ болса да, юйде къалмаз!
- Окъ къызбайны джокълайды.
- Аууз сакълагъан – джан сакълар.
- Аманны эки битли тону болур, бирин сеннге кийдирир, бирин кеси киер.
- Душманны тышы – акъ, ичи – къара.
- Чомартны къолу берекет.
- Ачыкъ джюрекге джол – ачыкъ.
- Къобан да къуру да къобханлай турмайды, адам да къуру да патчахлай турмайды.
- Ачлыкъ отха секиртир.
- Хазыр ашха – терен къашыкъ.
- Адамны аты башхача, акъылы да башхады.
- Орундукъ тюбюнде атылсам да, орта джиликме, де да айлан.
- Тилчи тилден къаныкъмаз.
- Эр абынмай, эл танымаз.
- Къуру гыбыт бек дыгъырдар.
- Гырджын – тепсини тамадасы.
- Терек ауса, отунчу – кёб.
- Кёз – сюйген джерде, къол – ауругъан джерде.
- Мал тутхан – май джалар.
- Ашда уялгъан – мухар, ишде уялгъан – хомух.
Ошибка!
Для просмотра темы введите ваши логин и пароль.Пожалуйста, авторизуйтесь: