- Чабар ат – джетген къыз.
- Джолда аягъынга сакъ бол, ушакъда тилинге сакъ бол.
- Аз сёлешген, къайгъысыз турур.
- Джумушакъ сёз къаты таякъны сындырыр.
- Айран тёгюлсе, джугъусу къалыр.
- Тилде сюек болмаса да, сюек сындырыр.
- Адеб джокъда, намыс джокъ.
- Эски джаугъа ышанма.
- Чёбню кёлтюрсенг, тюбюнден сёз чыгъар.
- Босагъа таш юйге кирмей эди, тыбыр таш эшикге чыкъмай эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Юй ишлеген балта эшикде къалыр.
- Чомарт къонакъ юй иесин сыйлар.
- Айыбны суу бла джууалмазса.
- Терек ауса, отунчу – кёб.
- Асхат ашлыкъ сата, юйдегиси ачдан къата.
- Ёлюк кебинсиз къалмаз.
- Аурууну келиую тынч, кетиую – къыйын.
- Киштикге къанат битсе, чыпчыкъ къалмаз эди.
- Эринчекни аурууу – кёб.
- Билмезни кёзю кёрмез, этмезни къулагъы эшитмез.
- Сибиртки да сыйлы болду, кюрек да кюнлю болду.
- Иши джокъну, сыйы джокъ.
- Уллу сёзде уят джокъ.
- Онгсузну – джакъла, тенгликни – сакъла.
- Аманнга игилик этсенг, юйюнге сау бармазса.
- Ауурну тюбю бла, дженгилни башы бла джюрюген.
- Мураты болгъанны джюрек тебюую башхады.
- Сабий болмагъан джерде, мёлек болмаз.
- Ашда уялгъан – мухар, ишде уялгъан – хомух.
- Кёз – сюйген джерде, къол – ауругъан джерде.
- Адамны джюреги нени кёрюрге сюйсе, кёзю да аны кёрюрге ёч болады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилчи тилден къаныкъмаз.
- Билим ат болуб да чабар, къуш болуб да учар.
- Келинни – келгинчи, бёркню кийгинчи кёр.
- Тилчиден кери бол.
- Суугъа – чабакъ, къаягъа – ыргъакъ.
- Сабыр джетер муратха, сабырсыз къалыр уятха.
- Мал кёб болса, джууукъ кёб болур.
- Кечеси – аяз, кюню – къыш, джарлы къаргъагъа бир аш тюш!
- Аууз сакълагъан – джан сакълар.
- Биреуге аманлыкъны тилеме да, кесинге ашхылыкъны тиле.
- Чомарт бергенин айтмаз.
- Кийиминг бла танылма, адамлыкъ бла таныл.
- Аманнга да, игиге да оноусуз къатышма.
- Иги сёз – джаннга азыкъ, аман сёз башха – къазыкъ.
- Халкъны джырын джырласанг, халкъ санга эжиу этер.
- Чоюнну башы ачыкъ болса, итге уят керекди.
- Къумурсхала джыйылсала, пилни да джыгъадыла.
Ошибка!
Для просмотра темы введите ваши логин и пароль.Пожалуйста, авторизуйтесь: