- Къаллай салам берсенг, аллай джууаб алырса.
- Къатыны харакетли болса, эри къымсыз болур.
- Дуния мал дунияда къалады.
- Джюз элде джюз ёгюзюм болгъандан эсе, джюз джууугъум болсун.
- Ач келгенни – тойдур, кеч келгенни – къондур.
- Аууз сакълагъан – джан сакълар.
- Экиндини кеч къылсанг, чабыб джетер ашхам.
- Эки къатын алгъан – эки ташны ортасына башын салгъан.
- Мал кёб болса, джууукъ кёб болур.
- Эр сокъур болсун, къатын тилсиз болсун.
- Биреуге аманлыкъ этиб, кесинге игилик табмазса.
- Ханы къызы буюгъа-буюгъа киштик болду.
- Кёб ант этген, кёб ётюрюк айтыр.
- Ауругъаннга – кийик саулукъ, джетген къызгъа – чилле джаулукъ.
- Байлыкъдан саулукъ ашхыды.
- Тау башында, тау болмаз, джангыз терек, бау болмаз.
- Кёрмегеннге кебек – танг, битмегеннге сакъал – танг.
- Накъырданы арты керти болур.
- Садакъачыны джаны – къапчыгъында.
- Чакъырылмагъан къонакъ – орунсуз.
- Иги адамны бир сёзю эки болмаз.
- Къатын байлыкъны сюер, эр саулукъну сюер.
- Билгенни къолу къарны джандырыр.
- Мухар, кеси тойса да, кёзю тоймаз.
- Бастасын ашагъан, хантусун да ичер.
- Окъугъан озар, окъумагъан тозар.
- Къыйынлы джети элни къайгъысын этер.
- Байлыкъ адамны сокъур этер.
- Къыз чыгъаргъан – къызыл къымжа.
- Кюн кёрмеген, кюн кёрсе, кюндюз чыракъ джандырыр.
- Къалгъан ишге къар джауар.
- Ургъан суудан башынгы сакъла.
- Гугурук къычырмаса да, тангны атары къалмаз.
- Тенги кёбню джау алмаз, акъылы кёбню дау алмаз.
- Эл ауузу – элия.
- Болджал ишни бёрю ашар.
- Кийимни бир кюнню аясанг, минг кюннге джарар.
- Окъ къызбайны джокълайды.
- Эртде тургъан бла эртде юйленнген сокъуранмаз.
- Чалманны аллы къалай башланса, арты да алай барады.
- Термилгенинги табмазса, кюлгенинге тюберсе.
- Ач къалгъандан, кеч къалгъан къолай.
- Биреуге кёлтюрген таягъынг, кесинги башынга урур.
- Ёлген эшек бёрюден къоркъмайды.
- Иги сеники эсе да, сюйген кесимикин этеме.
- Рысхы джалгъанды: келген да этер, кетген да этер.
- Аджалсыз ёлюм болмаз.
- Бир онгсуз адам адет чыгъарды, деб эштирик тюлсе.
- Аманны эки битли тону болур, бирин сеннге кийдирир, бирин кеси киер.
- Ойнай билмеген, уруб къачар.
ARSENAL 2011 Осень
|
без предварительной записи?
|
||||
|
|
|
|||
Читают тему (гостей: 1)