- Джюрек кёзден алгъа кёрюр.
- Къар – келтирди, суу – элтди.
- Эркишиге тары кебек танг кёрюнюр.
- Ёгюзню мюйюзлери ауурлукъ этмейдиле.
- Сёлеш деб шай берген, тохта деб, сом берген.
- Ишлегенде эринме, ишде чолакъ кёрюнме.
- Баланы адам этген анады.
- Къызын тута билмеген, тул этер, джашын тута билмеген, къул этер.
- Битмегеннге сакъал – танг.
- Ашхылыкъ джерде джатмайды, аманлыкъ суугъа батмайды.
- Чакъырылгъанны аты, чакъырылмагъанны багъасы болур.
- Чомартха хар кюн да байрамды.
- Джумушакъ терекни къурт ашар.
- Ач къарынны, токъ билмез
- Айырылгъанланы айю ашар, бёлюннгенлени бёрю ашар.
- Тамчы таш тешер.
- Аз сёлеш, кёб ишле.
- Кёб къычыргъандан – къоркъма, тынч олтургъандан – къоркъ.
- Аз сёлешген, къайгъысыз турур.
- Башланнган иш битер, къымылдагъан тиш тюшер.
- Итли къонакъ джарашмаз.
- Къазанчы аман болса, къазаны къайнамаз.
- Сютден ауузу кюйген, суугъа юфгюре эди.
- Оюмсуз атлагъан, аджалсыз ёлюр.
- Аманны къуугъан, аманлыкъ табар.
- Чомартны къолу берекет.
- Ойнай-ойнай кёз чыгъар.
- Кечеси – аяз, кюню – къыш, джарлы къаргъагъа бир аш тюш!
- Аманнга игилик этсенг, юйюнге сау бармазса.
- Бал – татлы, балдан да бала – татлы.
- Эски джаугъа ышанма.
- Биреуге аманлыкъны тилеме да, кесинге ашхылыкъны тиле.
- Биреуге аманлыкъ этиб, кесинге игилик табмазса.
- Тойгъа алгъа да барма, тойда артха да къалма.
- Суу кетер, таш къалыр.
- Айыбны суу бла джууалмазса.
- «Ма», - дегенни билмесенг, «бер», - дегенни билмезсе.
- Кёбге таш атма.
- Нарт сёз – тилни бети.
- Бети – къучакълар, джюреги – бычакълар.
- Ётюрюк хапар аякъ тюбю бла джюрюйдю.
- Джангыз терек къынгыр ёсер.
- Кимни – тили, тиши онглу, кимни – къолу, иши онглу.
- Нёгерсизни джолу узун.
- Бети бедерден, намыс сакълама.
- Халкъгъа джарагъан, джарлы къалмаз.
- Азыгъы аз, алгъа къабар, аты аман, алгъа чабар.
- Кёзю сокъурдан – къоркъма, кёлю сокъурдан – къоркъ.
- Азыкълы ат арымаз, къатыны аман джарымаз.
- Аманны тукъумуна къарама, игини тукъумун сорма.
Футбол. 19.11.2011 Эльбрусоид-Байкал
Читают тему (гостей: 1)