- Билим насыб берир, билим джолну керир.
- Душманны тышы – акъ, ичи – къара.
- Тамырсыз терекге таянма – джыгъылырса.
- Джарлы эскисин джамаса, къууаныр.
- Къатын байлыкъны сюер, эр саулукъну сюер.
- Бети – къучакълар, джюреги – бычакълар.
- Иги сёз – джаннга азыкъ, аман сёз башха – къазыкъ.
- Иги адамны бир сёзю эки болмаз.
- Aдам боллукъ, сыфатындан белгили.
- Ашына кёре табагъы, балына кёре къалагъы.
- Бек ашыкъгъан меннге джетсин, дегенди аракъы.
- Эл бла кёргенинг эрелей.
- Сескекли кесин билдирир.
- Тойчу джашха къарама, къойчу джашха къара.
- Джолда аягъынга сакъ бол, ушакъда тилинге сакъ бол.
- Рысхы – насыбха къор.
- Джыйырма къойну юч джыйырма эбзе кюте эди.
- Тойгъан джерден туугъан джер игиди.
- Бозаны арты дауур болур.
- Борчунг бар эсе, хурджунунга ойлаб узал.
- Аман къатын сабий табса, бий болур…
- Аджал соруб келмез, келсе, къайтыб кетмез.
- Эки ойлашыб, бир сёлешген.
- Аманнга да, игиге да оноусуз къатышма.
- Тёрени джагъы джокъ.
- Ишин билген, аны сыйын чыгъарады.
- Биреуге кёлтюрген таягъынг, кесинги башынга урур.
- Этни бети бла шорпасы.
- Чёбню кёлтюрсенг, тюбюнден сёз чыгъар.
- Аджашханны ызындагъы кёреди, джангылгъанны джанындагъы биледи.
- Ашатыргъа иш – ашхы, ишлетирге аш – ашхы.
- Кимни – тили, тиши онглу, кимни – къолу, иши онглу.
- Таш ата билмеген, башына урур.
- Атлыны ашхысы, ат тизгининден билинир
- Ушамагъан – джукъмаз.
- Ишни аллы бла къууанма да, арты бла къууан.
- Биреуге аманлыкъ этиб, кесинге игилик табмазса.
- Аман киши кеси юйюнде – къонакъ.
- Мухар, кеси тойса да, кёзю тоймаз.
- Кютгени беш эчки, сызгъыргъаны уа, джерни джарады.
- Ата джурт – алтын бешик.
- Сууда джау джокъ, кёб сёзде магъана джокъ.
- Гитче джилтин уллу элни джандырыр.
- Къарт бла баш аша, джаш бла аякъ аша.
- Къызбайны юйюне дери сюрсенг, батыр болур.
- Ачылгъан эт джабылыр, кёрген кёз унутмаз.
- Къазанны башы ачыкъ болса, итге уят керекди.
- Ойнаб айтсанг да, эслеб айт.
- Сёз къанатсыз учар.
- Адамны сыфатына къарама, сёзюне къара.
Футбол. 19.11.2011 Эльбрусоид-Байкал
Читают тему (гостей: 1)