- Келинин тута билмеген, къул этер, къызын тута билмеген, тул этер.
- Кёзню ачылгъаны – иги, ауузну джабылгъаны – иги.
- Байлыкъ болгъан джерде, тынчлыкъ джокъду.
- Ат басханны джер билед.
- Таула не мийик болсала да, аууш табылыр.
- Башы джабылгъан челекге, кир тюшмез.
- Кёбге таш атма.
- Къызгъанчдан ычхыныр, мухардан ычхынмаз.
- Эл ауузу – элия.
- Ишленмеген джаш – джюгенсиз ат, ишленмеген къыз – тузсуз хант.
- Тас болгъан бычакъны сабы – алтын.
- Окъ къызбайны джокълайды.
- Шапа кёб болса, аш татымсыз болур.
- Игилик игилик бла сингдирилиучю затды.
- Ашлыкъ – бюртюкден, джюн – тюкден.
- Къарыусузгъа кюлме, онгсузгъа тийме.
- Ана къойну – балагъа джандет.
- Билимден уллу байлыкъ джокъду.
- Биреуню эскиси биреуге джангы болмайды.
- Айтылгъан буйрукъ, сёгюлмез
- Ичимден чыкъды хата, къайры барайым сата?
- Къанны къан бла джуума, аманны аман бла къуума.
- Аш кетер да бет къалыр.
- Къая джолда джортма, ачыкъ сёзден къоркъма.
- Элиб деген, элге болушур.
- Ёпкелегенни ашы татлы болады.
- Рысхы – сют юсюнде кёмюк кибикди.
- Узун джолну барсанг, бюгюн келирсе, къысха джолну барсанг, тамбла келирсе.
- Башы ишлегенни, ауузу да ишлер.
- Ачыу алгъа келсе, акъыл артха къалады.
- Аш хазыр болса, иш харам болур.
- Аджалсыз ёлюм болмаз.
- Эрни эр этерик да, къара джер этерик да, тиширыуду.
- Адамны аманы адамны бети бла ойнар.
- Къарны аманнга къазан такъдырма, къолу аманнга от джакъдырма.
- Таукел къуру къалмаз.
- Иги болса, тамадама – махтау, аман болса, меннге – айыб.
- Къаллай салам берсенг, аллай джууаб алырса.
- Сабийни джумушха джибер да, ызындан бар.
- Тиширыусуз юй – отсуз от джагъа.
- Ариу сёз аурууунгу алыр.
- Сютню башын джалагъан къутулур, тюбюн ичген тутулур.
- Сескекли кесин билдирир.
- Адам къаллай бир ишленмесе, аллай бир кесин уллу кёреди.
- Эли джокъну – кёлю джокъ.
- Алма терегинден кери кетмез.
- Тыш элде солтан болгъандан эсе, кесинги элде олтан болгъан игиди!
- Иги сёз – джаннга азыкъ, аман сёз башха – къазыкъ.
- Танг атмайма десе да, кюн къоярыкъ тюйюлдю.
- Тойчу джашха къарама, къойчу джашха къара.
Ошибка!
Для просмотра темы введите ваши логин и пароль.Пожалуйста, авторизуйтесь: