- Олтуруб кёрюнмей эди да, ёрге туруб кёрюне эди.
- Азыкъ аз болса, эртде орун сал.
- Джюрекден джюрекге джол барды.
- Аз сёлеш, кёб ишле.
- Акъылсызны джууукъгъа алма, акъыллыны кенгнге салма.
- Тюзлюк тас болмайды.
- Биреуню тёрюнден, кесинги эшик артынг игиди.
- Тюз сёз баргъан сууну тыяр.
- Ашхы – джыяр, аман – джояр.
- Кюл тюбюндеги от кёрюнмейди.
- Тенгни тенглиги джашай барсанг билинир.
- Окъуусуз билим – джокъ, билимсиз кюнюнг – джокъ.
- Ана къолу ачытмаз.
- Сёз садакъдан кючлюдю.
- Мени джылытмагъан кюн, меннге тиймесин!
- Уллу атлама – абынырса, уллу къабма – къарылырса.
- Кёб ант этген, кёб ётюрюк айтыр.
- Джаш болсун, къыз болсун, акъылы, саны тюз болсун.
- Ишге юренсин къоллары, халкъ бла болсун джоллары.
- Эки элинги тыйсанг, джети элде махталырса.
- Адам къыйынлыгъын кёлтюрюр, зауукълугъун кёлтюрмез.
- Адамны аты башхача, акъылы да башхады.
- Ойнаб айтсанг да, эслеб айт.
- Рысхы джалгъанды: келген да этер, кетген да этер.
- Ауузу аманнга «иги», деме.
- Накъырданы арты керти болур.
- Мухарны эси – ашарыкъда.
- Окъугъан озар, окъумагъан тозар.
- Экеу тутушса, биреу джыгъылыр.
- Ёзденликни джайгъан – джокълукъ.
- Ёгюзню мюйюзюнден тутадыла, адамны сёзюнден тутадыла.
- Ана кёлю – балада, бала кёлю – талада.
- Ачлыкъ отха секиртир.
- Айран ичген – къутулду, джугъусун джалагъан – тутулду.
- Къайгъы тюбю – тенгиз.
- Башсыз урчукъ тюзюне айланмаз.
- Сабийни джумушха джибер да, ызындан бар.
- Эки итни арасына сюек атма, эки адамны арасында сёз чыгъарма.
- Сибиртки да сыйлы болду, кюрек да кюнлю болду.
- Кёб джашагъан – кёб билир.
- Агъач халкъгъа алтынды, иссиликге салкъынды.
- Байны къызы баймакъ болса да, юйде къалмаз!
- Къумурсхала джыйылсала, пилни да джыгъадыла.
- Ат да турмайды бир териде.
- Кёбню кёрген – кёб билир.
- Ишлемеген – тишлемез.
- Аш кетер да бет къалыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бойнуму джети джерден кессенг да, мен ол ишни этеллик тюлме.
- Ашхы атаны – джашы ашхы, ашхы ананы – къызы ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: