- Акъыл бла адеб эгизледиле.
- Шапа кёб болса, аш татымсыз болур.
- Тёрдеги кюлсе, эшикдеги ышарыр.
- Ишге юренсин къоллары, халкъ бла болсун джоллары.
- Ёгюзню мюйюзюнден тутадыла, адамны сёзюнден тутадыла.
- Асхат ашлыкъ сата, юйдегиси ачдан къата.
- Акъыллы – эл иеси, тели – эл баласы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тюкюрюк баш джармаз, налат кёз чыгъармаз!
- Намыс сатылыб алынмайды.
- Тили узунну, намысы – къысха.
- Билим ат болуб да чабар, къуш болуб да учар.
- Чабар ат – джетген къыз.
- Чыбыкълыкъда бюгюлмеген, къазыкълыкъда бюгюлмей эди.
- Джигер – джаннга къыйынлыкъ.
- Ач келгенни – тойдур, кеч келгенни – къондур.
- Хансыз джомакъ болмаз.
- Кесине оноу эте билмеген, халкъына да эте билмез.
- Иги сеники эсе да, сюйген кесимикин этеме.
- Акъыл къартда, джашда тюйюлдю – башдады.
- Къарт бла баш аша, джаш бла аякъ аша.
- Къолунгдан къуймакъ ашатсанг да, атаны борчундан къутулмазса.
- Минг тенг да азды, бир джау да кёбдю.
- Ишлемеген – тишлемез.
- Байлыкъдан саулукъ ашхыды.
- Тилчиден кери бол.
- Игиге айтсанг – билир, аманнга айтсанг – кюлюр.
- Хар сёзню орну барды.
- Сибиртки да сыйлы болду, кюрек да кюнлю болду.
- Ёгюзню мюйюзлери ауурлукъ этмейдиле.
- Аманны тукъумуна къарама, игини тукъумун сорма.
- Сабийликде юретмесенг, уллу болса – тюзелмез.
- Адеб базарда сатылмаз.
- Сёз – кюмюш, джыр – алтын.
- Ашаса, ашамаса да, бёрюню ауузу – къан.
- Къазанда болса, чолпугъа чыгъар.
- Рысхысына кёре, джаш ёсер, къышлыгъына кёре, мал ёсер.
- Ат да турмайды бир териде.
- Ата джурт – алтын бешик.
- Тыш элде солтан болгъандан эсе, кесинги элде олтан болгъан игиди!
- Элге къуллукъ этмеген, элге ие болмаз.
- Арбаз къынгырды да, ийнек сауалмайма.
- Къыз чыгъаргъан – къызыл къымжа.
- Бети къызарыучу адамны, джюреги харам болмаз.
- Ашхы тенг джолгъа салыр, аман тенг джолдан тайдырыр.
- Экиндини кеч къылсанг, чабыб джетер ашхам.
- Ёлюк кебинсиз къалмаз.
- Эр абынмай, эл танымаз.
- Байдан умут эте, джарлыдан ёгюз багъасы къорады.
- Аман эсирсе, юйюн ояр.
Ошибка!
Для просмотра темы введите ваши логин и пароль.Пожалуйста, авторизуйтесь: