- Телиге акъыл салгъандан эсе, ёлгеннге джан салырса.
- Ёлген аслан – сау чычхан.
- Къарын къуру болса, джюрек уру болур.
- Ач къарынны, токъ билмез
- Къолу уллу – асыу, аягъы уллу – джарсыу.
- Сёз къанатсыз учар.
- Берекет берсин деген джерде, берекет болур.
- Къазанны башы ачыкъ болса, итге уят керекди.
- Акъыл неден да кючлюдю.
- Эл элде бирер малынг болгъандан эсе, бирер тенгинг болсун.
- Aдам боллукъ, сыфатындан белгили.
- Бюгюн дуния кибик, тамбла ахыратды.
- Элиб деген, элге болушур.
- Къобан да къуру да къобханлай турмайды, адам да къуру да патчахлай турмайды.
- Ёпкелегенни ашы татлы болады.
- Акъыллы – эл иеси, тели – эл баласы.
- Бал чибинни ургъаны – ачы, балы – татлы.
- Къыйынлы джети элни къайгъысын этер.
- Тели турса – той бузар.
- Эркишиге тары кебек танг кёрюнюр.
- Джылкъыдан – ат чыгъар, тукъумдан – джаш чыгъар.
- Джарлыны тону джаз битер.
- Акъыл бла адеб эгизледиле.
- Хансыз джомакъ болмаз.
- Мени джылытмагъан кюн, меннге тиймесин!
- Ач уят къоймаз.
- Сибиртки да сыйлы болду, кюрек да кюнлю болду.
- Аманны къуугъан, аманлыкъ табар.
- Иесиз малны бёрю ашар.
- Ишни аллы бла къууанма да, арты бла къууан.
- Тёзгеннге, джабылгъан эшик ачылыр.
- Тик ёргени, тик энгишгеси да болады.
- Башланнган иш битер, къымылдагъан тиш тюшер.
- Чомарт бергенин айтмаз.
- Тилчи бир сагъатха айлыкъ хата этер.
- Ёгюзню мюйюзюнден тутадыла, адамны сёзюнден тутадыла.
- Къатын байлыкъны сюер, эр саулукъну сюер.
- Накъырданы арты керти болур.
- Ана кёлю – балада, бала кёлю – талада.
- Дууулдаса – бал чибин, къонса – къара чибин.
- Арбаз къынгырды да, ийнек сауалмайма.
- Аджашхан тёгерек айланыр.
- Кёрмегеннге кебек – танг, битмегеннге сакъал – танг.
- Гитче джилтин уллу элни джандырыр.
- Халкъны джырын джырласанг, халкъ санга эжиу этер.
- Ачлыкъда тары гырджын халыуадан татлы.
- Ауругъан – джашаудан умутчу.
- Таякъ этден ётер, тил сюекден ётер.
- Сууда джау джокъ, кёб сёзде магъана джокъ.
- Джети тилни билген джети кишиди.
Ошибка!
Для просмотра темы введите ваши логин и пароль.Пожалуйста, авторизуйтесь: