- Аман адамны тепсинге олтуртсанг, къызынгы тилер.
- Ётюрюкден тюбю джокъ, кёлтюрюрге джиби джокъ.
- Аман адам элни бир-бирине джау этер.
- Башы джабылгъан челекге, кир тюшмез.
- Халкъны юйю – туугъан джери.
- Арба аугъандан сора, джол кёргюзтюучю кёб болур.
- Аш кетер да бет къалыр.
- Адам туугъан джеринде, ит тойгъан джеринде.
- Джылыгъа джылан илешир.
- Кёлсюзден сёзсюз тууар.
- От кюйдюрген, сау болса да, тот кюйдюрген, сау болмаз.
- Тойгъан антын унутур.
- Билимли ёлмез, билимсиз кёрмез.
- Тенгни тенглиги джашай барсанг билинир.
- Aдам боллукъ, сыфатындан белгили.
- Джаралыны джастыгъында сау ёлюр.
- Ишин билген, аны сыйын чыгъарады.
- Аш иеси бла татлыды.
- Къонакъ болсанг, ийнакъ бол.
- Къуллукъчума, деб махтанма, къуллукъ – хаух джамчыды!
- Билмейме деген – бир сёз
- Баш болса, бёрк табылыр.
- Ач, тоймам, дейди, тойгъан, ач болмам, дейди.
- Къарт бла баш аша, джаш бла аякъ аша.
- Къозулугъунда тоймагъан, къойлугъунда тоймаз.
- Къолу уллу – асыу, аягъы уллу – джарсыу.
- Рысхысына кёре, джаш ёсер, къышлыгъына кёре, мал ёсер.
- Халкъгъа джарагъан, джарлы къалмаз.
- Кёпюр салгъан кеси ётер, уру къазгъан кеси кетер.
- Иги – алгъыш этер, аман – къаргъыш этер.
- Аш берме да, къаш бер.
- Тура эдим джата, къайдан чыкъды хата?
- Ханы къызы буюгъа-буюгъа киштик болду.
- Тас болгъан бычакъны сабы – алтын.
- Джюрекге ариу – кёзге да ариу.
- Айыбны суу бла джууалмазса.
- Къобан да къуру да къобханлай турмайды, адам да къуру да патчахлай турмайды.
- Къууут – джелге, берне – бошха.
- Сагъышы джокъ – джукъучу, акъылы джокъ – къаугъачы.
- Айтхан сёзюне табылгъан.
- Джырына кёре эжиую.
- Сёз сёзню айтдырыр.
- Намыс болмагъан джерде, насыб болмаз.
- Байлыкъ болгъан джерде, тынчлыкъ джокъду.
- Тилчи тилден къаныкъмаз.
- Мал кёб болса, джууукъ кёб болур.
- Ач отунчуну ачыуу – бурнунда.
- Эл ауузу – элия.
- Биреу ашаб къутулур, биреу джалаб тутулур.
- Ариу сёз джыланны орнундан чыгъарыр.
Внимание!
Сообщение будет показано после одобрения модератором.
Встреча в Эльбе - Нальчик с Ахматом Созаевым
Внимание!
Сообщение будет показано после одобрения модератором.
Читают тему (гостей: 1)