- Эли джокъну – кёлю джокъ.
- Ашхы адам – халкъ байлыгъы, ашхы джер – джашау байлыгъы.
- Ачны эсинде – аш.
- Мен да «сен», дейме, сен да «кесим», дейсе.
- Кёбден умут этиб, аздан къуру къалма.
- Аллахдан тилесенг, кёб тиле.
- Итли къонакъ джарашмаз.
- Кийимни бичсенг, кенг бич, тар этген къыйын тюлдю.
- Зарда марда джокъ.
- Тыш элде солтан болгъандан эсе, кесинги элде олтан болгъан игиди!
- Бек ашыкъгъан меннге джетсин, дегенди аракъы.
- Хоншуну тауугъу къаз кёрюнюр, келини къыз кёрюнюр.
- Суу ичген шауданынга тюкюрме.
- Къалгъан ишге къар джауар.
- Адам туугъан джеринде, ит тойгъан джеринде.
- Къызын тута билмеген, тул этер, джашын тута билмеген, къул этер.
- Эркиши – от, тиширыу – суу.
- Аманнга игилик этсенг, юйюнге сау бармазса.
- Айырылмаз джууугъунга, унутмаз сёзню айтма.
- Хаухну атма, ёнгкючню сатма.
- Ётюрюкню къуйругъу – бир тутум.
- Кёлю джокъну – джолу джокъ.
- Эл тойса, тоймагъан, эл къойса, къоймагъан.
- Игиге айтсанг – билир, аманнга айтсанг – кюлюр.
- Тин – байлыгъынг, терен саулугъунг.
- Ойнай билмеген, уруб къачар.
- Юйюнг бла джау болгъандан эсе, элинг бла джау бол.
- Гугурук къычырмаса да, тангны атары къалмаз.
- Мал кёб болса, джууукъ кёб болур.
- Билим насыб берир, билим джолну керир.
- Хунаны тюбюн къазсанг, юсюнге ауар.
- Аджал соруб келмез, келсе, къайтыб кетмез.
- Ата Джуртча джер болмаз, туугъан элча эл болмаз.
- Керти сёзге тёре джокъ.
- Къарт бла баш аша, джаш бла аякъ аша.
- Ургъан суудан башынгы сакъла.
- Хар сёзню орну барды.
- Адам боллукъ, атламындан белгили болур.
- Нёгер болсанг, тенг бол, тенг болмасанг, кенг бол.
- Сёлеш деб шай берген, тохта деб, сом берген.
- Байлыкъ болгъан джерде, тынчлыкъ джокъду.
- Къарны аманнга къазан такъдырма, къолу аманнга от джакъдырма.
- Ариу сёз аурууунгу алыр.
- Арба аугъандан сора, джол кёргюзтюучю кёб болур.
- Ачлыкъда тары гырджын халыуадан татлы.
- Мал тутхан – май джалар.
- Баш болса, бёрк табылыр.
- Арыгъан къош чамчы болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Кюн – узун, ёмюр – къысха.
Союз репрессированных народов России готовит уникальную книгу ко Дню Победы
09.04.2010 15:26:22
однако
Казаки не народ. Это военная каста. Сословие. А народ это другое. |
|
|
|
10.04.2010 01:48:11
в Калмыкии один из министров карачаевец...может за два народа поратует)))))
|
||||
|
|
|||
Читают тему (гостей: 1)