- Джарлыны эшигин махтагъан джабар.
- Урама да – ёледи, сатама да – келеди.
- Атынг аманнга чыкъгъандан эсе, джанынг тамагъынгдан чыкъсын.
- Билим насыб берир, билим джолну керир.
- Къазанда болса, чолпугъа чыгъар.
- Бети къызарыучу адамны, джюреги харам болмаз.
- Айранын берсенг, челегин да къызгъанма.
- Джан саулукъ бермей, сан саулукъ бермезсе.
- Ётюрюкден тюбю джокъ, кёлтюрюрге джиби джокъ.
- Къошда джокъгъа – юлюш джокъ.
- Игиге айтсанг – билир, аманнга айтсанг – кюлюр.
- Орну джокъну – сыйы джокъ.
- Тёрдеги кюлсе, эшикдеги ышарыр.
- Тау башында, тау болмаз, джангыз терек, бау болмаз.
- Эрни эр этерик да, къара джер этерик да, тиширыуду.
- Сёз садакъдан кючлюдю.
- Джырчы джырчыгъа – къарнаш.
- Тёзгеннге, джабылгъан эшик ачылыр.
- Акъыл неден да кючлюдю.
- Халкъгъа джарагъан, джарлы къалмаз.
- Насыб бютеу халкъны юлюшюдю.
- Термилгенинги табмазса, кюлгенинге тюберсе.
- Сютню башын джалагъан къутулур, тюбюн ичген тутулур.
- Тамбла алтындан бюгюн багъыр ашхы.
- Бет бетге къараса, бет да джерге къарар.
- Суугъа – чабакъ, къаягъа – ыргъакъ.
- Тыш элде солтан болгъандан эсе, кесинги элде олтан болгъан игиди!
- Арбаз къынгырды да, ийнек сауалмайма.
- Сибиртки да сыйлы болду, кюрек да кюнлю болду.
- Киштикге къанат битсе, чыпчыкъ къалмаз эди.
- Ёнгкюч къууана барыр, джылай келир.
- Ашхы – джыяр, аман – джояр.
- Джуртун къоругъан озар.
- Кийимни бичсенг, кенг бич, тар этген къыйын тюлдю.
- Ишлегенден, къарагъан уста.
- Ачлыкъда тары гырджын халыуадан татлы.
- Малны кют, джерни тюрт.
- Къонакъ аман болса, къонакъбай джунчур
- Къарнынг ауруса, ауузунгу тый
- Эри аманны, къатыны – аман.
- Эки къатын алгъан – эки ташны ортасына башын салгъан.
- Чалманны аллы къалай башланса, арты да алай барады.
- Этим кетсе да, сюегим къалыр.
- Къанны къан бла джуума, аманны аман бла къуума.
- Къая джолда джортма, ачыкъ сёзден къоркъма.
- Тюзлюк шохлукъну бегитир.
- Къарыусузгъа кюлме, онгсузгъа тийме.
- Тойгъандан сора, ашны сёкме.
- Адамны сыфатына къарама, сёзюне къара.
- Чомартха хар кюн да байрамды.