- Джарашыу сюйген – джалынчакъ.
- Сабий кёргенин унутмаз.
- Абынмазлыкъ аякъ джокъ, джангылмазлыкъ джаякъ джокъ.
- Хантына кёре тузу, юйюне кёре къызы.
- Насыб бютеу халкъны юлюшюдю.
- Тил – миллетни джаны.
- Джылар джаш, атасыны сакъалы бла ойнар.
- Элде адам къалмаса, ит тахтагъа минер.
- Баш – акъыл ючюн, акъылман – халкъ ючюн.
- Тёрде – темир таякълы, къаяда – чыпчыкъ аякълы.
- Джюрекден джюрекге джол барды.
- Азыкълы ат арымаз, къатыны аман джарымаз.
- Эки ойлашыб, бир сёлешген.
- Чомартха Тейри да борчлуду.
- Мал тутхан – май джалар.
- Сабийликде юретмесенг, уллу болса – тюзелмез.
- Аманны эки битли тону болур, бирин сеннге кийдирир, бирин кеси киер.
- Ач келгенни – тойдур, кеч келгенни – къондур.
- Аджашханны ызындагъы кёреди, джангылгъанны джанындагъы биледи.
- Аманны тукъумуна къарама, игини тукъумун сорма.
- Халкъгъа джарагъан, джарлы къалмаз.
- Азыкъ аз болса, эртде орун сал.
- Эте билген, этген этеди, эте билмеген, юретген этеди!
- Ана – юйню кюн джарыгъы.
- Уллу сёлешме да, уллу къаб.
- Экиндини кеч къылсанг, чабыб джетер ашхам.
- Адам туугъан джеринде, ит тойгъан джеринде.
- Кирсизни – саны таза, халалны – къаны таза.
- Кёз – сюйген джерде, къол – ауругъан джерде.
- Ач да бол, токъ да бол – намысынга бек бол.
- Ата Джуртун танымагъан, атасын да танымаз.
- Джангызны оту джарыкъ джанмаз!
- Чарсда алчыны эл кёреди.
- Джашда акъыл джокъ, къартда къарыу джокъ.
- Къайгъы тюбю – тенгиз.
- Таукел адам тау тешер.
- Хазыр ашха – терен къашыкъ.
- Элге къуллукъ этмеген, элге ие болмаз.
- Бетинги сатма, малынгы сат.
- Таш бла ургъанны, аш бла ур.
- Гугук кесини атын айтыб къычыргъанча, мен, мен деб нек тураса?
- Окъ къызбайны джокълайды.
- Намысы джокъну – дуниясы джокъ.
- Юреннген ауруу къалмаз.
- Аман эсирсе, юйюн ояр.
- Ач, тоймам, дейди, тойгъан, ач болмам, дейди.
- Хансыз джомакъ болмаз.
- Таукел къуру къалмаз.
- Иги сёз – джаннга азыкъ, аман сёз башха – къазыкъ.
- Ашхы атаны – джашы ашхы, ашхы ананы – къызы ашхы.