- Акъыл сабырлыкъ берир.
- Уллу къазанда бишген эт, чий къалмаз.
- Ёмюрлюк шохлукъну джел элтмез.
- Акъыл неден да кючлюдю.
- Байны къызы баймакъ болса да, юйде къалмаз!
- Халкъны джырын джырласанг, халкъ санга эжиу этер.
- Хар ишни да аллы къыйынды.
- Айтханы чапыракъдан ётмеген.
- Байдан умут эте, джарлыдан ёгюз багъасы къорады.
- Уллу сёлешме да, уллу къаб.
- Тюзню ётмеги тюзде къалса да, тас болмаз.
- Эринчекге кюн узун.
- Аллахдан тилесенг, кёб тиле.
- Махтаннган къыз, тойда джукълар.
- Огъурлуну сёзю – суу, огъурсузну сёзю – уу.
- Экеу тутушса, биреу джыгъылыр.
- Шекер бла туз – бир болмаз, ушамагъан – юй болмаз.
- Къарыусузгъа кюлме, онгсузгъа тийме.
- Адам боллукъ, атламындан белгили болур.
- Алтыннга тот къонмаз.
- Бек анасы джыламаз.
- Телиге акъыл салгъандан эсе, ёлгеннге джан салырса.
- Джарлыны эшигин махтагъан джабар.
- Адеби болмагъан къыз – тузсуз хант.
- Джангыз торгъай джырламаз.
- Ашарыкъда сайлагъаннга – чий гырджын.
- Ашхы адам – халкъ байлыгъы, ашхы джер – джашау байлыгъы.
- Келинин тута билмеген, къул этер, къызын тута билмеген, тул этер.
- Джаханимни кёрмей, джандетге кёл салмазса.
- Юйюнг бла джау болгъандан эсе, элинг бла джау бол.
- Ашхы атаны – джашы ашхы, ашхы ананы – къызы ашхы.
- Ишленмеклик адамлыкъды.
- Башсыз урчукъ тюзюне айланмаз.
- Акъыл аздырмаз, билим тоздурмаз.
- Къан бла кирген, джан бла чыгъар.
- Ишлемеген – тишлемез.
- Бал ашаргъа сюе эсенг, чибин ургъаннга тёз.
- Айыбны суу бла джууалмазса.
- Атадан ёксюз – бир ёксюз, анадан ёксюз – эки ёксюз.
- Бал – татлы, балдан да бала – татлы.
- Тин – байлыгъынг, терен саулугъунг.
- Накъырда – кертини келечиси.
- Кёлсюзден сёзсюз тууар.
- Керти сёзге тёре джокъ.
- Ауузу бла къуш тута айланады.
- Байлыкъ адамны сокъур этер.
- Аджашханны ызындагъы кёреди, джангылгъанны джанындагъы биледи.
- Аман киши кеси юйюнде – къонакъ.
- Баш болса, бёрк табылыр.
- Эр абынмай, эл танымаз.