Эльбрусоид :: Форум :: Эркин сёз

Кесинг сынамагъан затны, адамгъа буюрма.
Адам боллукъ, атламындан белгили болур.
Хунаны тюбюн къазсанг, юсюнге ауар.
Джауумдан сора, кюн кюйдюрюр, ётюрюкден сора, айыб кюйдюрюр.
Кёб джашагъан – кёб билир.
Адам туугъан джеринде, ит тойгъан джеринде.
Эки итни арасына сюек атма, эки адамны арасында сёз чыгъарма.
Башда акъыл болмаса, эки аякъгъа кюч джетер.
Тамбла алтындан бюгюн багъыр ашхы.
От этилмеген джерден тютюн чыкъмайды.
Билмейме деген – бир сёз
Билим ат болуб да чабар, къуш болуб да учар.
Илму – джашауну джолу.
Ишни аллы бла къууанма да, арты бла къууан.
Ариу сёзде ауруу джокъ.
Эртде тургъан джылкъычыны эркек аты тай табар.
Агъач халкъгъа алтынды, иссиликге салкъынды.
Баланы адам этген анады.
Гугурук къычырмаса да, тангны атары къалмаз.
Ашарыкъда сайлагъаннга – чий гырджын.
Телиге от эт десенг, юйюнге от салыр.
Кёрмегеннге кебек – танг, битмегеннге сакъал – танг.
Сёз сёзню айтдырыр.
Аз сёлешген, къайгъысыз турур.
Кирсизни – саны таза, халалны – къаны таза.
Тамырсыз терекге таянма – джыгъылырса.
Джахил болса анасы, не билликди баласы?
Акъыллы эркиши атын махтар, акъылсыз эркиши къатынын махтар.
Къартны сыйын кёрмеген, къартлыгъында сыйлы болмаз.
Къумурсхала джыйылсала, пилни да джыгъадыла.
Эки къатын алгъан – эки ташны ортасына башын салгъан.
Киштикге къанат битсе, чыпчыкъ къалмаз эди.
Къатын къылыкъсыз, эр тынчлыкъсыз.
Дуния мал дунияда къалады.
Сагъышы джокъ – джукъучу, акъылы джокъ – къаугъачы.
Ётюрюкню башын керти кесер.
Къууут – джелге, берне – бошха.
Бозанг болмагъан джерге, къалагъынгы сукъма.
Тойгъа алгъа да барма, тойда артха да къалма.
Намыс сатылыб алынмайды.
Аманны къуугъан, аманлыкъ табар.
Ойнай-ойнай кёз чыгъар.
Ашхы атаны – джашы ашхы, ашхы ананы – къызы ашхы.
Чабар ат – джетген къыз.
Суу да къайтады чыкъгъан джерине.
Бетинги сатма, малынгы сат.
Къыз чыгъаргъан – къызыл къымжа.
Кесине оноу эте билмеген, халкъына да эте билмез.
Эм уллу байлыкъ – джан саулукъ.
Байны оноуу, джарлыгъа джарамаз.

Логин:
Пароль:
	Запомнить меня на этом компьютере

Забыли свой пароль?
Регистрация