- Узун джолну барсанг, бюгюн келирсе, къысха джолну барсанг, тамбла келирсе.
- Арпа, будай – ащды, алтын, кюмюш а – ташды.
- Сагъыш – къартлыкъгъа сюйюмчю.
- Чомарт къонакъ юй иесин сыйлар.
- Уллу къазанда бишген эт, чий къалмаз.
- Ана – юйню кюн джарыгъы.
- Ат да турмайды бир териде.
- Тойгъан антын унутур.
- Намыс болмагъан джерде, насыб болмаз.
- Акъыллы башны – тили къысха.
- Къанны къан бла джуума, аманны аман бла къуума.
- Онгсузну – джакъла, тенгликни – сакъла.
- Аллахха ийнаннган кишини, Аллах онгдурур ишин.
- Хата – гитчеден.
- Баргъанынга кёре болур келгенинг.
- Адебсиз адам – джюгенсиз ат.
- Окъ къызбайны джокълайды.
- Бал чибинни ургъаны – ачы, балы – татлы.
- Туз, гырджын аша, тюзлюк бла джаша.
- Ачыу алгъа келсе, акъыл артха къалады.
- Кюн кёрмеген, кюн кёрсе, кюндюз чыракъ джандырыр.
- Башынга джетмегенни сорма.
- Иги – алгъыш этер, аман – къаргъыш этер.
- Алгъанда – джууукъ, бергенде – джау.
- Сёз садакъдан кючлюдю.
- Иги болса, тамадама – махтау, аман болса, меннге – айыб.
- Бир абыннган – минг сюрюнюр.
- Кийимни бир кюнню аясанг, минг кюннге джарар.
- Адам сёзюнден белгили.
- Игилик игилик бла сингдирилиучю затды.
- Айтхан сёзюне табылгъан.
- Рысхы джалгъанды: келген да этер, кетген да этер.
- Тенгинг джокъ эсе – изле, бар эсе – сакъла!
- Эл ауузу – элек, анга ийнаннган – халек.
- Хар ишни да аллы къыйынды.
- Юй кюйдю да, кюйюз чыкъды, ортасындан тюйюш чыкъды.
- Иши джокъну, сыйы джокъ.
- Къыз чыгъаргъан – къызыл къымжа.
- Атынг аманнга чыкъгъандан эсе, джанынг тамагъынгдан чыкъсын.
- Къонакъ кёб келюучю юйню, къазаны отдан тюшмез.
- Къайтырыкъ эшигинги, къаты уруб чыкъма.
- Миллетни бойну – базыкъ, аны бла кюрешген – джазыкъ.
- Телини эшигин, махтау джабар.
- Ат басханны джер билед.
- Къазанчы аман болса, къазаны къайнамаз.
- Тилчи тилден къаныкъмаз.
- Тас болгъан бычакъны сабы – алтын.
- Дууулдаса – бал чибин, къонса – къара чибин.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чакъырылмагъан къонакъ тёрге атламаз.
ПЕРСОНА L - МАРАТ МИРЗОЕВ, он же SANSEI
|
Как Я рада была увидеть Марата!!! :smt026 :smt023
Очень лаконичная беседа... Очень тронуло его уважительное и *трепетное* отношение к Мутаю Ульбашеву! Аперим, къарындашым))) |
|
|
|
|
|
Очень обидно видеть только один коммент в этой теме.
|
|
|
|
|
Читают тему (гостей: 1)