- Накъырда – кертини келечиси.
- Айран тёгюлсе, джугъусу къалыр.
- Аман хансны – урлугъу кёб.
- Окъуу – билимни ачхычы, окъуу – дунияны бачхычы.
- Эшекге миннген – биринчи айыб, андан джыгъылгъан – экинчи айыб.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эринчекни аурууу – кёб.
- Мен да «сен», дейме, сен да «кесим», дейсе.
- Керилген да, ургъан кибикди.
- Бир абыннган – минг сюрюнюр.
- Таугъа чыгъаллыкъ эсенг, тюзде къалма.
- Ётюрюкню къуйругъу – бир тутум.
- Хунаны тюбюн къазсанг, юсюнге ауар.
- Ач уят къоймаз.
- Сёз къанатсыз учар.
- Тилчиден кери бол.
- Элде адам къалмаса, ит тахтагъа минер.
- Къолу уллу – асыу, аягъы уллу – джарсыу.
- Аманнга да, игиге да оноусуз къатышма.
- Ишленмеклик адамлыкъды.
- Суу ичген шауданынга тюкюрме.
- Нёгерсизни джолу узун.
- Къуллукъчума, деб махтанма, къуллукъ – хаух джамчыды!
- Билимли ёлмез, билимсиз кёрмез.
- Къарт айтханны этмеген, къартаймаз.
- Джыгъылгъанны сырты джерден тоймаз.
- Джумушакъ терекни къурт ашар.
- Кёлю джокъну – джолу джокъ.
- Ач отунчуну ачыуу – бурнунда.
- Къазанда болса, чолпугъа чыгъар.
- Ауузу аманнга «иги», деме.
- Башы ишлегенни, ауузу да ишлер.
- Ат да турмайды бир териде.
- Бир онгсуз адам адет чыгъарды, деб эштирик тюлсе.
- Къуру гыбыт бек дыгъырдар.
- Джаралыны джастыгъында сау ёлюр.
- Ашда – бёрю, ишде – ёлю.
- Джаханимни кёрмей, джандетге кёл салмазса.
- Джахил болса анасы, не билликди баласы?
- Бетинги сатма, малынгы сат.
- Хаухну атма, ёнгкючню сатма.
- Ачлыкъ отха секиртир.
- Хар ишни да аллы къыйынды.
- Алтыда кюлмеген, алтмышда кюлмез.
- Рысхы – насыбха къор.
- Намысы болмагъанны, сыйы болмаз.
- Сёз сёзню айтдырыр.
- Дууулдаса – бал чибин, къонса – къара чибин.
- Къыйынлы джети элни къайгъысын этер.
- Аманнга игилик этсенг, юйюнге сау бармазса.
