- Тёзгеннге, джабылгъан эшик ачылыр.
- Кёзюнде тереги болгъан, чёбю болгъаннга кюле эди.
- Къазанны башы ачыкъ болса, итге уят керекди.
- Къайгъы тюбю – тенгиз.
- Джыйырма къойну юч джыйырма эбзе кюте эди.
- Аз сёлешген, къайгъысыз турур.
- Сабий болмагъан джерде, мёлек болмаз.
- Къарнынг бла ёч алма.
- «Ма», - дегенни билмесенг, «бер», - дегенни билмезсе.
- Къызны минг тилер, бир алыр.
- Нёгерсизни джолу узун.
- Чакъырылмай келген къонакъ сыйланмай кетер.
- Къан бла кирген, джан бла чыгъар.
- Мухардан ач ычхынмаз.
- Намысы джокъну – дуниясы джокъ.
- Билим ат болуб да чабар, къуш болуб да учар.
- Шапа кёб болса, аш татымсыз болур.
- Азыгъы аз, алгъа къабар, аты аман, алгъа чабар.
- Эм уллу байлыкъ – джан саулукъ.
- Кёл ашады да, кеси ашады.
- Хансыз джомакъ болмаз.
- Билимли ёлмез, билимсиз кёрмез.
- Айырылмаз джууугъунга, унутмаз сёзню айтма.
- Халкъгъа джарагъан, джарлы къалмаз.
- Къарт болгъан джерде, берекет болур, сабий болгъан джерде, оюн болур.
- Сёз сёзню айтдырыр.
- Тас болгъан бычакъны сабы – алтын.
- Аджаллыгъа окъсуз шкок атылыр.
- Рысхы – сют юсюнде кёмюк кибикди.
- Ашаса, ашамаса да, бёрюню ауузу – къан.
- Ауузу аманнга «иги», деме.
- Башынга джетмегенни сорма.
- Ойнай-ойнай кёз чыгъар.
- Къарын къуру болса, джюрек уру болур.
- Кёзден кетген, кёлден да кетеди.
- Ариу сёз аурууунгу алыр.
- Ата – баланы уясы.
- Окъугъан озар, окъумагъан тозар.
- Мухар, кеси тойса да, кёзю тоймаз.
- Тил джюрекге джол ишлейди.
- Тил бла келеди джыр да.
- Сакъалы текени да бар, мыйыгъы киштикни да бар.
- Ашлыкъны арба юйге келтирир, чана базаргъа элтир.
- Кюлме джашха – келир башха.
- Сормай – алма, чакъырылмай – барма.
- Эте билген, этген этеди, эте билмеген, юретген этеди!
- Билмезни кёзю кёрмез, этмезни къулагъы эшитмез.
- Аманны къуугъан, аманлыкъ табар.
- Ана къолу ачытмаз.
- Къартны бурнун сюрт да, оноугъа тут.
