- Къатын къылыкъсыз, эр тынчлыкъсыз.
- Байны оноуу, джарлыгъа джарамаз.
- Битмегеннге сакъал – танг.
- Къыз келсе, джумуш эте келеди, къатын келсе, ушакъ эте келеди.
- Ашхылыкъ джерде джатмайды, аманлыкъ суугъа батмайды.
- Суу да къайтады чыкъгъан джерине.
- Таула не мийик болсала да, аууш табылыр.
- Кёрмегеннге кебек – танг, битмегеннге сакъал – танг.
- Къан бла кирген, джан бла чыгъар.
- Урама да – ёледи, сатама да – келеди.
- Эл тойса, тоймагъан, эл къойса, къоймагъан.
- Билими азны – ауузунда кирит.
- Ашлыкъны арба юйге келтирир, чана базаргъа элтир.
- Ауузу аманнга «иги», деме.
- Эки элинги тыйсанг, джети элде махталырса.
- Ашыкъгъанны этеги бутуна чырмалыр.
- Кёзюнде тереги болгъан, чёбю болгъаннга кюле эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Адамны аманы адамны бети бла ойнар.
- Къызгъанчдан ычхыныр, мухардан ычхынмаз.
- Ашхы болсанг, атынг чыгъар, аман болсанг, джанынг чыгъар.
- Джыланны къуйругъундан басарынг келсе, аны башы болгъанын унутма.
- Халкъны юйю – туугъан джери.
- Таукел адам тау тешер.
- Хар зат кесини орнуна иги.
- Тенги кёбню джау алмаз, акъылы кёбню дау алмаз.
- Чабакъ башындан чирийди.
- Ач къарным, тынч къулагъым.
- Келлик заман – къартлыкъ келтирир, кетген заман – джашлыкъ ёлтюрюр.
- Ойнай билмеген, уруб къачар.
- Тенгни тенглиги джашай барсанг билинир.
- Окъугъан – асыу, окъумагъан – джарсыу.
- Танг атмайма десе да, кюн къоярыкъ тюйюлдю.
- Аууздан келген, къолдан келсе, ким да патчах болур эди.
- Сёз – кюмюш, джыр – алтын.
- Баш болса, бёрк табылыр.
- Къошда джокъгъа – юлюш джокъ.
- Рысхы джалгъанды: келген да этер, кетген да этер.
- Байлыкъ болгъан джерде, тынчлыкъ джокъду.
- Элде адам къалмаса, ит тахтагъа минер.
- Нарт сёз – тилни бети.
- Къууут – джелге, берне – бошха.
- Окъумагъан сокъурду, сокъур ташха абыныр!
- Керек ташны ауурлугъу джокъ.
- Уллу сёлешме да, уллу къаб.
- Ат басханны джер билед.
- Кёл ашады да, кеси ашады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил бла келеди джыр да.
- Эрни эр этерик да, къара джер этерик да, тиширыуду.
