- Окъугъанны бети джарыкъ.
- Джолда аягъынга сакъ бол, ушакъда тилинге сакъ бол.
- Арыгъан къош чамчы болур.
- Джарлыны тону джаз битер.
- Кесине гебен этелмеген, биреуге черен эте эди.
- Атынг аманнга чыкъгъандан эсе, джанынг тамагъынгдан чыкъсын.
- Къолу уллу – асыу, аягъы уллу – джарсыу.
- Арбаз сайлама да, хоншу сайла.
- Биреуню эскиси биреуге джангы болмайды.
- Ашатыргъа иш – ашхы, ишлетирге аш – ашхы.
- Таугъа чыгъаллыкъ эсенг, тюзде къалма.
- Арпа, будай – ащды, алтын, кюмюш а – ташды.
- Аш иеси бла татлыды.
- Байлыкъ тауусулур, билим тауусулмаз.
- Тюкюрюк баш джармаз, налат кёз чыгъармаз!
- Джигер – джаннга къыйынлыкъ.
- Айырылмаз джууугъунга, унутмаз сёзню айтма.
- Эрни эр этерик да, къара джер этерик да, тиширыуду.
- Ашын ашагъанынгы, башын да сыйла.
- Урама да – ёледи, сатама да – келеди.
- Адеб джокъда, намыс джокъ.
- Билимсиз иш бармаз.
- Юре билмеген ит, къонакъ келтирир.
- Къонагъынгы артмагъын алма да, алгъышын ал.
- Тура эдим джата, къайдан чыкъды хата?
- Окъугъан озар, окъумагъан тозар.
- Келинин тута билмеген, къул этер, къызын тута билмеген, тул этер.
- Къаллай салам берсенг, аллай джууаб алырса.
- Ана – юйню кюн джарыгъы.
- Къолунгдан къуймакъ ашатсанг да, атаны борчундан къутулмазса.
- Чомартха хар кюн да байрамды.
- Ачны эсинде – аш.
- Айтхан сёзюне табылгъан.
- Акъыллы башны – тили къысха.
- Адамны бетине къарама, адетине къара.
- Телиге от эт десенг, юйюнге от салыр.
- Намысы джокъну – дуниясы джокъ.
- Азыгъы аз, алгъа къабар, аты аман, алгъа чабар.
- Эки ойлашыб, бир сёлешген.
- Иги бла джюрюсенг, джетерсе муратынга, аман бла джюрюсенг, къалырса уятха.
- Этни бети бла шорпасы.
- Бек ашыкъгъан меннге джетсин, дегенди аракъы.
- Ата джурт – алтын бешик.
- Джылар джаш, атасыны сакъалы бла ойнар.
- Айныгъанлы алты кюн, тогъайгъанлы тогъуз кюн.
- Ёлген ийнек сютлю болур.
- Байдан умут эте, джарлыдан ёгюз багъасы къорады.
- Аз айтсам, кёб ангылагъыз.
- Айтханы чапыракъдан ётмеген.
- Байлыкъ болгъан джерде, тынчлыкъ джокъду.