- Ариуну – ауруу кёб.
- Накъырданы арты керти болур.
- Чакъырылмагъан джерге барма, чакъырылгъан джерден къалма.
- Джарлы джети элни сёзюн этер.
- «Ма», - дегенни билмесенг, «бер», - дегенни билмезсе.
- Къыз тиширыу кеси юйюнде да къонакъды.
- Аджашханны ызындагъы кёреди, джангылгъанны джанындагъы биледи.
- Чакъырылмагъан къонакъ къачан кетерин сормаз.
- Билмейме деген – бир сёз
- Таукел тауну аудурур.
- Кёзю сокъурдан – къоркъма, кёлю сокъурдан – къоркъ.
- Ишленмеклик адамлыкъды.
- Къонагъынгы артмагъын алма да, алгъышын ал.
- Джолунга кёре – джюрюшюнг, джагъанга кёре – юлюшюнг.
- Ашлыкъны арба юйге келтирир, чана базаргъа элтир.
- Иги адам абынса да, джангылмаз.
- Къарын къуру болса, джюрек уру болур.
- Ёлген эшек бёрюден къоркъмайды.
- Нарт сёз – тилни бети.
- Юй ишлеген балта эшикде къалыр.
- Бети бедерден, намыс сакълама.
- Ёзденликни джайгъан – джокълукъ.
- Ашаса, ашамаса да, бёрюню ауузу – къан.
- Кенгеш болса, уруш болмаз.
- Аман хансны – урлугъу кёб.
- Суу кетер, таш къалыр.
- Керилген да, ургъан кибикди.
- Ёгюзню мюйюзюнден тутадыла, адамны сёзюнден тутадыла.
- Кёб ант этген, кёб ётюрюк айтыр.
- Ёзденликни кёбю ётюрюк.
- Дуния аламаты сен эсенг да, игиме деб айтма.
- Этек чакъмакълары баш джаргъан, сёлешген сёзлери таш джаргъан.
- Чыбыкълыкъда бюгюлмеген, къазыкълыкъда бюгюлмей эди.
- Этим кетсе да, сюегим къалыр.
- Тик ёргени, тик энгишгеси да болады.
- Эте билген, этген этеди, эте билмеген, юретген этеди!
- Мени джылытмагъан кюн, меннге тиймесин!
- Эшекни не къадар тюйсенг да, ат болмаз.
- Тёрени джагъы джокъ.
- Адам сёзюнден белгили.
- Иги сёз – джаннга азыкъ, аман сёз башха – къазыкъ.
- Ач келгенни – тойдур, кеч келгенни – къондур.
- Кёбню кёрген – кёб билир.
- Джарлы эскисин джамаса, къууаныр.
- Рысхы – сют юсюнде кёмюк кибикди.
- Элиб деген, элге болушур.
- Тёзген – тёш ашар!
- Булут кёкге джарашыу, уят бетге джарашыу.
- Татлы тилде – сёз ариу, чемер къолда – иш ариу.
- Акъыллы айтыр эди, акъылсыз къоймайды.
