- Къобан да къуру да къобханлай турмайды, адам да къуру да патчахлай турмайды.
- Чакъырылгъанны аты, чакъырылмагъанны багъасы болур.
- Ач келгенни – тойдур, кеч келгенни – къондур.
- Тамырсыз терекге таянма – джыгъылырса.
- Къайгъыны сюйген, къайгъы табар.
- Билимли ёлмез, билимсиз кёрмез.
- Ачыкъ джюрекге джол – ачыкъ.
- Киштикге къанат битсе, чыпчыкъ къалмаз эди.
- Башы ишлегенни, ауузу да ишлер.
- Аман эсирсе, юйюн ояр.
- Кесине гебен этелмеген, биреуге черен эте эди.
- Къыйынлы джети элге оноу этер.
- Ана кёлю – балада, бала кёлю – талада.
- Окъугъан озар, окъумагъан тозар.
- Джюрекге ариу – кёзге да ариу.
- Бозанг болмагъан джерге, къалагъынгы сукъма.
- Къайтырыкъ эшигинги, къаты уруб чыкъма.
- Рысхысына кёре, джаш ёсер, къышлыгъына кёре, мал ёсер.
- Мени джылытмагъан кюн, меннге тиймесин!
- Тюз сёз баргъан сууну тыяр.
- Ата джурт – алтын бешик.
- Къарнынг къанлынга кийирир.
- Тюзлюк тас болмайды.
- Айраннга суу къош, телиге джол бош.
- Тыш элде солтан болгъандан эсе, кесинги элде олтан болгъан игиди!
- Сыфатында болмагъаны, суратында болмаз.
- Этек чакъмакълары баш джаргъан, сёлешген сёзлери таш джаргъан.
- Джарлы джети элни сёзюн этер.
- Бозаны арты дауур болур.
- Чомарт бергенин айтмаз.
- Суу кетер, таш къалыр.
- Ауурну тюбю бла, дженгилни башы бла джюрюген.
- Уллу айтханны этмеген – уллаймаз.
- Арыгъан къош чамчы болур.
- Ишни аллы бла къууанма да, арты бла къууан.
- Мухар, кеси тойса да, кёзю тоймаз.
- Элиб деген, элге болушур.
- Кечеси – аяз, кюню – къыш, джарлы къаргъагъа бир аш тюш!
- Ана – юйню кюн джарыгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Бетинги сатма, малынгы сат.
- Айтылгъан сёз ызына къайтмаз.
- Ёлюр джаннга, ёкюл джокъ.
- «Ма», - дегенни билмесенг, «бер», - дегенни билмезсе.
- Сескекли кесин билдирир.
- Эркишини аманы тиширыуну джылатыр.
- Ат да турмайды бир териде.
- Аманны къуугъан, аманлыкъ табар.
- Уллу атлама – абынырса, уллу къабма – къарылырса.
- Ёлген эшек бёрюден къоркъмайды.