- Тыш элде солтан болгъандан эсе, кесинги элде олтан болгъан игиди!
- Джуртун къоругъан озар.
- Сагъыш – къартлыкъгъа сюйюмчю.
- Чалманны аллы къалай башланса, арты да алай барады.
- Биреуге кёлтюрген таягъынг, кесинги башынга урур.
- Чыбыкълыкъда бюгюлмеген, къазыкълыкъда бюгюлмей эди.
- Мадар болса, къадар болур.
- Сютню башын джалагъан къутулур, тюбюн ичген тутулур.
- Адам сёзюнден белгили.
- Баргъанынга кёре болур келгенинг.
- Намыс сатылыб алынмайды.
- Ушамагъан – джукъмаз.
- Ашлыкъны арба юйге келтирир, чана базаргъа элтир.
- Кюл тюбюндеги от кёрюнмейди.
- Къумурсхала джыйылсала, пилни да джыгъадыла.
- Суугъа – чабакъ, къаягъа – ыргъакъ.
- Чомартха Тейри да борчлуду.
- Аш иеси бла татлыды.
- Башы джабылгъан челекге, кир тюшмез.
- Зарда марда джокъ.
- Къулакъдан эсе, кёзге ышан.
- Керек ташны ауурлугъу джокъ.
- Айтхан – тынч, этген – къыйын.
- Баш – акъыл ючюн, акъылман – халкъ ючюн.
- Аман адам этегингден тутса, кес да къач.
- Ач – эснер, ат – кишнер.
- Этим кетсе да, сюегим къалыр.
- Тилде сюек болмаса да, сюек сындырыр.
- Айтханы чапыракъдан ётмеген.
- Ашхы сёз таш тешер.
- Биреуню къыйынлыгъы бла кесинге джол ишлеме.
- Уллу сёлешме да, уллу къаб.
- Эшекге миннген – биринчи айыб, андан джыгъылгъан – экинчи айыб.
- Эте билген, этген этеди, эте билмеген, юретген этеди!
- «Ма», - дегенни билмесенг, «бер», - дегенни билмезсе.
- Айраннга суу къош, телиге джол бош.
- Чабакъгъа акъыл, табагъа тюшсе келеди.
- Джангызны оту джарыкъ джанмаз!
- Кюн – узун, ёмюр – къысха.
- Кийиминг бла танылма, адамлыкъ бла таныл.
- Ургъан суудан башынгы сакъла.
- От этилмеген джерден тютюн чыкъмайды.
- Къызбайны юйюне дери сюрсенг, батыр болур.
- Аманнга игилик этсенг, юйюнге сау бармазса.
- Къонакъ аман болса, къонакъбай джунчур
- Гырджын – тепсини тамадасы.
- Аз айтсам, кёб ангылагъыз.
- Аманнга алтын чыдамаз.
- Тойгъа алгъа да барма, тойда артха да къалма.
- Хар адамгъа кеси миннген тау кибик.
Узденов Султан Азнорович, погиб в Афганистане
Читают тему (гостей: 1)