- Башланнган иш битер, къымылдагъан тиш тюшер.
- Танг атмайма десе да, кюн къоярыкъ тюйюлдю.
- Эринчекни эр алмаз, эр алса да, кёл салмаз, кёл салса да, кёб бармаз!
- Суу да къайтады чыкъгъан джерине.
- Билмейме деген – бир сёз
- Билимсиз иш бармаз.
- Орну джокъну – сыйы джокъ.
- Къонакъны къачан кетерин сорма, къачан келлигин сор.
- Ёксюзню тилеги къабыл болур.
- Биреуню къыйынлыгъы бла кесинге джол ишлеме.
- Адамны аты башхача, акъылы да башхады.
- Ётюрюкчюню шагъаты – къатында.
- Кёзюнде тереги болгъан, чёбю болгъаннга кюле эди.
- Эл бла кёргенинг эрелей.
- Акъыллы – эл иеси, тели – эл баласы.
- Чакъырылмай келген къонакъ сыйланмай кетер.
- Акъыллы эркиши атын махтар, акъылсыз эркиши къатынын махтар.
- Окъугъанны бети джарыкъ.
- Булут кёкге джарашыу, уят бетге джарашыу.
- Ашда уялгъан – мухар, ишде уялгъан – хомух.
- Эркишиге тары кебек танг кёрюнюр.
- Хаухну атма, ёнгкючню сатма.
- Тёрдеги кюлсе, эшикдеги ышарыр.
- Кёл – къызбай, къол – батыр.
- Ач бёрюге мекям джокъ.
- Кёбге таш атма.
- Уллу сёзде уят джокъ.
- Эки къатын алгъан – эки ташны ортасына башын салгъан.
- Туз, гырджын аша, тюзлюк бла джаша.
- Тюзлюк шохлукъну бегитир.
- Тойгъанлыкъ къойгъа джарашады.
- Аманны къуугъан, аманлыкъ табар.
- Аллахха ийнаннган кишини, Аллах онгдурур ишин.
- Нафысынгы айтханын этме, намысынгы айтханын эт.
- Айыбны суу бла джууалмазса.
- Ата – билек, ана – джюрек!
- Джангыз терек къынгыр ёсер.
- Чыкълы кюнде чыкъмагъан, чыкъса къуру кирмеген.
- Махтаннган къыз, тойда джукълар.
- Башы ишлегенни, ауузу да ишлер.
- Ашхы болсанг, атынг чыгъар, аман болсанг, джанынг чыгъар.
- Къолу уллу – асыу, аягъы уллу – джарсыу.
- Ариу сёзде ауруу джокъ.
- Тойгъан антын унутур.
- Ишлемеген – тишлемез.
- Иги сёз – джаннга азыкъ, аман сёз башха – къазыкъ.
- Тойгъан джерге джети къайт.
- Ауурну тюбю бла, дженгилни башы бла джюрюген.
- Ишин билген, аны сыйын чыгъарады.
- Татлы сёз – балдан татлы.
