- Миллетни бойну – базыкъ, аны бла кюрешген – джазыкъ.
- Ким бла джюрюсенг, аны кёзю бла кёрюнюрсе.
- Эрине къаргъыш этген къатын, эрнин къабар.
- Къартха ушагъан джаш – акъыллы, джашха ушагъан къарт – тели.
- Ачлыкъда тары гырджын халыуадан татлы.
- Зарда марда джокъ.
- Къумурсхала джыйылсала, пилни да джыгъадыла.
- Бек ашыкъгъан меннге джетсин, дегенди аракъы.
- Накъырданы арты керти болур.
- Кийимни бичсенг, кенг бич, тар этген къыйын тюлдю.
- Аманнга да, игиге да оноусуз къатышма.
- Къан бла кирген, джан бла чыгъар.
- Джыгъылгъанны сырты джерден тоймаз.
- Акъыллы – эл иеси, тели – эл баласы.
- Къуллукъчума, деб махтанма, къуллукъ – хаух джамчыды!
- Окъуусуз билим – джокъ, билимсиз кюнюнг – джокъ.
- Ауузу бла къуш тута айланады.
- Хантына кёре тузу, юйюне кёре къызы.
- Эртде тургъан бла эртде юйленнген сокъуранмаз.
- Нёгерсизни джолу узун.
- Сагъышы джокъ – джукъучу, акъылы джокъ – къаугъачы.
- Билимли ёлмез, билимсиз кёрмез.
- Къобан да къуру да къобханлай турмайды, адам да къуру да патчахлай турмайды.
- Ана къолу ачытмаз.
- Къулакъдан эсе, кёзге ышан.
- Хар сёзню орну барды.
- Адебни адебсизден юрен.
- Къонакъ аз олтурур, кёб сынар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Насыб бютеу халкъны юлюшюдю.
- Терек ауса, отунчу – кёб.
- Олтуруб кёрюнмей эди да, ёрге туруб кёрюне эди.
- Билим ат болуб да чабар, къуш болуб да учар.
- Ачыу алгъа келсе, акъыл артха къалады.
- Къарын къуру болса, джюрек уру болур.
- Аллахха ийнаннган кишини, Аллах онгдурур ишин.
- Бал – татлы, балдан да бала – татлы.
- Къралынгы – душмандан, башынгы от бла суудан сакъла.
- Ариу сёз – къылычдан джити.
- Эл элде бирер малынг болгъандан эсе, бирер тенгинг болсун.
- Джарлы тюеге минсе да, ит къабар.
- Кенгеш болса, уруш болмаз.
- Чоюнну башы ачыкъ болса, итге уят керекди.
- Иги сеники эсе да, сюйген кесимикин этеме.
- Джарашыу сюйген – джалынчакъ.
- Кесине оноу эте билмеген, халкъына да эте билмез.
- Тюзлюк шохлукъну бегитир.
- Чыбыкълыкъда бюгюлмеген, къазыкълыкъда бюгюлмей эди.
- Этни бети бла шорпасы.
- Гыдай эчки суугъа къараб, мюйюзле кёрмесе, джашма алкъын, дегенди.