- Хата – гитчеден.
- Тёзген – тёш ашар!
- Ашыкъгъанны этеги бутуна чырмалыр.
- Терек ауса, отунчу – кёб.
- Джылыгъа джылан илешир.
- Биреуню тёрюнден, кесинги эшик артынг игиди.
- Ашатыргъа иш – ашхы, ишлетирге аш – ашхы.
- Айыбны суу бла джууалмазса.
- Джаханимни кёрмей, джандетге кёл салмазса.
- Адамны бетине къарама, адетине къара.
- Тюзлюк шохлукъну бегитир.
- Баланы адам этген анады.
- Бюгюн дуния кибик, тамбла ахыратды.
- Аджашхан тёгерек айланыр.
- Джаш къарыу бла кючлю, къарт акъыл бла кючлю.
- Аз сёлешген, къайгъысыз турур.
- Сёлеш деб шай берген, тохта деб, сом берген.
- Джетген къыз джерли эшекни танымаз.
- Къарны аманнга къазан такъдырма, къолу аманнга от джакъдырма.
- Джырына кёре эжиую.
- Баш – акъыл ючюн, акъылман – халкъ ючюн.
- Кёлсюзден сёзсюз тууар.
- Уллу къазанда бишген эт, чий къалмаз.
- Чомарт къолда мал къалмаз.
- Джюрек кёзден алгъа кёрюр.
- Кёбден умут этиб, аздан къуру къалма.
- Элиб деген, элге болушур.
- Арба аугъандан сора, джол кёргюзтюучю кёб болур.
- Накъырданы арты керти болур.
- Узун джолну барсанг, бюгюн келирсе, къысха джолну барсанг, тамбла келирсе.
- Башы ишлегенни, ауузу да ишлер.
- Келинин тута билмеген, къул этер, къызын тута билмеген, тул этер.
- Эки итни арасына сюек атма, эки адамны арасында сёз чыгъарма.
- Намысы джокъну – дуниясы джокъ.
- Аман адамны тепсинге олтуртсанг, къызынгы тилер.
- Бермеген къол, алмайды.
- Къызбайны юйюне дери сюрсенг, батыр болур.
- Чыбыкълыкъда бюгюлмеген, къазыкълыкъда бюгюлмей эди.
- Ишленмеген джаш – джюгенсиз ат, ишленмеген къыз – тузсуз хант.
- Акъыллы эркиши атын махтар, акъылсыз эркиши къатынын махтар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Байлыкъ адамны сокъур этер.
- Ач отунчуну ачыуу – бурнунда.
- Тенгинг джокъ эсе – изле, бар эсе – сакъла!
- От этилмеген джерден тютюн чыкъмайды.
- Атадан ёксюз – бир ёксюз, анадан ёксюз – эки ёксюз.
- Бойнуму джети джерден кессенг да, мен ол ишни этеллик тюлме.
- От кюйдюрген, сау болса да, тот кюйдюрген, сау болмаз.
- Душманны тышы – акъ, ичи – къара.
- Дууулдаса – бал чибин, къонса – къара чибин.
Жазыкоев Исхак Магометович, погиб в Афганистане
Читают тему (гостей: 1)