- Садакъачыны джаны – къапчыгъында.
- Нафысынгы айтханын этме, намысынгы айтханын эт.
- Къралынгы – душмандан, башынгы от бла суудан сакъла.
- Джумушакъ терекни къурт ашар.
- Къарнынг ауруса, ауузунгу тый
- Эри аманны, къатыны – аман.
- Ёмюрлюк шохлукъну джел элтмез.
- Къарт болгъан джерде, берекет болур, сабий болгъан джерде, оюн болур.
- Кёлю джокъну – джолу джокъ.
- Азыкъ аз болса, эртде орун сал.
- Татлы тилде – сёз ариу, чемер къолда – иш ариу.
- Айтхан – тынч, этген – къыйын.
- Сёз къанатсыз учар.
- Адам туугъан джеринде, ит тойгъан джеринде.
- Эртде тургъан джылкъычыны эркек аты тай табар.
- Тынгылагъан тынгы бузар.
- Рысхы – сют юсюнде кёмюк кибикди.
- Чакъырылмагъан къонакъ – орунсуз.
- Ёлмесенг да, къарт дамы болмазса?
- Ариу сёз – джаннга азыкъ, аман сёз – башха къазыкъ.
- Сютню башын джалагъан къутулур, тюбюн ичген тутулур.
- Сескекли кесин билдирир.
- Юйюнгден чыкъдынг – кюнюнгден чыкъдынг.
- Тик ёргени, тик энгишгеси да болады.
- Джаным-тиним – окъуу, билим.
- Эл ауузу – элек, анга ийнаннган – халек.
- Ашлыкъ – бюртюкден, джюн – тюкден.
- Айран тёгюлсе, джугъусу къалыр.
- Халкъны джырын джырласанг, халкъ санга эжиу этер.
- Джылар джаш, атасыны сакъалы бла ойнар.
- Ашхы болсанг, атынг чыгъар, аман болсанг, джанынг чыгъар.
- Адеб базарда сатылмаз.
- Ауругъанны сау билмез, ач къарынны токъ билмез.
- Биреуге аманлыкъны тилеме да, кесинге ашхылыкъны тиле.
- Ауругъаннга – кийик саулукъ, джетген къызгъа – чилле джаулукъ.
- Ашын ашагъанынгы, башын да сыйла.
- Ауузу бла къуш тута айланады.
- Аш иеси бла татлыды.
- Джашны джигитлиги сорулур, къызны джигерлиги сорулур.
- Къоркъакъны кёзю экили кёрюр.
- Алма терегинден кери кетмез.
- Къонакъ аман болса, къонакъбай джунчур
- Тура эдим джата, къайдан чыкъды хата?
- Билимсиз иш бармаз.
- Кюн – узун, ёмюр – къысха.
- Кёбге таш атма.
- Адебсиз адам – джюгенсиз ат.
- Агъач халкъгъа алтынды, иссиликге салкъынды.
- Ауругъан – джашаудан умутчу.
- Кёл ашады да, кеси ашады.
