- Танг атмайма десе да, кюн къоярыкъ тюйюлдю.
- Билимден уллу байлыкъ джокъду.
- Халкъны юйю – туугъан джери.
- Тил бла келеди джыр да.
- Аш берме да, къаш бер.
- Джарлыны эшигин махтагъан джабар.
- Къызны минг тилер, бир алыр.
- Джогъун бар этген, барын бал этген.
- Ач келгенни – тойдур, кеч келгенни – къондур.
- Насыблы элин сюер, насыбсыз кесин сюер.
- Илму – джашауну джолу.
- Джерни букъусу кёкге къонмаз.
- Игиге айтсанг – билир, аманнга айтсанг – кюлюр.
- Миллетни бойну – базыкъ, аны бла кюрешген – джазыкъ.
- Къызын тута билмеген, тул этер, джашын тута билмеген, къул этер.
- Джаш болсун, къыз болсун, акъылы, саны тюз болсун.
- Кёрмегеннге кебек – танг, битмегеннге сакъал – танг.
- Чыбыкълыкъда бюгюлмеген, къазыкълыкъда бюгюлмей эди.
- Юйюнг бла джау болгъандан эсе, элинг бла джау бол.
- Хазыр ашха – терен къашыкъ.
- Къатын байлыкъны сюер, эр саулукъну сюер.
- Онгсузну – джакъла, тенгликни – сакъла.
- Таугъа чыгъаллыкъ эсенг, тюзде къалма.
- Къая джолда джортма, ачыкъ сёзден къоркъма.
- Окъугъанны бети джарыкъ.
- Билим ат болуб да чабар, къуш болуб да учар.
- Таукел тауну аудурур.
- Тил джюрекге джол ишлейди.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыл сабырлыкъ берир.
- Рысхы джалгъанды: келген да этер, кетген да этер.
- Айраннга суу къош, телиге джол бош.
- Аякъларынгы джууургъанынга кёре узат.
- Сабийни джумушха джибер да, ызындан бар.
- Акъыл неден да кючлюдю.
- Чёбню кёлтюрсенг, тюбюнден сёз чыгъар.
- Ётген ёмюр – акъгъан суу.
- Аш хазыр болса, иш харам болур.
- Бастасын ашагъан, хантусун да ичер.
- Аджаллыгъа окъсуз шкок атылыр.
- Адеб базарда сатылмаз.
- Чоюнну башы ачыкъ болса, итге уят керекди.
- Байлыкъ адамны сокъур этер.
- Кесине оноу эте билмеген, халкъына да эте билмез.
- Билмейме деген – бир сёз
- Кёлю джокъну – джолу джокъ.
- Акъыллы башны – тили къысха.
- Джашны джигитлиги сорулур, къызны джигерлиги сорулур.
- Ишленмеклик адамлыкъды.
- Акъыл къартда, джашда тюйюлдю – башдады.
Аттоев Борис Мажитович, генерал-лейтенант ФСБ
Читают тему (гостей: 1)