- Билгенни къолу къарны джандырыр.
- Накъырда – кертини келечиси.
- Ишлемеген – тишлемез.
- Ариу сёз – джаннга азыкъ, аман сёз – башха къазыкъ.
- Окъугъан – асыу, окъумагъан – джарсыу.
- Тойну къарнашы – харс, джырны къарнашы – эжиу.
- Магъанасыз сёз – тауушсуз сыбызгъы.
- Игиге айтсанг – билир, аманнга айтсанг – кюлюр.
- Адеб базарда сатылмаз.
- Ач да бол, токъ да бол – намысынга бек бол.
- Хата – гитчеден.
- Билеги кючлю, бирни джыгъар, билими кючлю, мингни джыгъар.
- Рысхы джалгъанды: келген да этер, кетген да этер.
- Ашхылыкъ джерде джатмайды, аманлыкъ суугъа батмайды.
- Насыблы элин сюер, насыбсыз кесин сюер.
- Мураты болгъанны джюрек тебюую башхады.
- Босагъагъа джууукъ орун болса, ашыгъыб тёрге озма.
- Ач келгенни – тойдур, кеч келгенни – къондур.
- Ёлюр джаннга, ёкюл джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёл ашады да, кеси ашады.
- Къарт бла баш аша, джаш бла аякъ аша.
- Хазыр ашха – терен къашыкъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Тойгъа алгъа да барма, тойда артха да къалма.
- Аджалсыз ёлюм болмаз.
- Суу ичген шауданынга тюкюрме.
- Ашха уста, юйюнде болсун
- Джангызны оту джарыкъ джанмаз!
- Чыкълы кюнде чыкъмагъан, чыкъса къуру кирмеген.
- Бозаны арты дауур болур.
- Аз сёлеш, кёб ишле.
- Ат басханны джер билед.
- Тамбла алтындан бюгюн багъыр ашхы.
- Къыйынлы джети элни къайгъысын этер.
- Чабакъгъа акъыл, табагъа тюшсе келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Малны кют, джерни тюрт.
- Душманны тышы – акъ, ичи – къара.
- Билим – акъылны чырагъы.
- Окъугъанны бети джарыкъ.
- Ата Джуртча джер болмаз, туугъан элча эл болмаз.
- Сангырау къулакъ эл бузар.
- Берекет берсин деген джерде, берекет болур.
- Эте билген, этген этеди, эте билмеген, юретген этеди!
- Къуллукъчума, деб махтанма, къуллукъ – хаух джамчыды!
- Айтылгъан буйрукъ, сёгюлмез
- Къартны бурнун сюрт да, оноугъа тут.
- Кимни – тили, тиши онглу, кимни – къолу, иши онглу.
- Ургъан суудан башынгы сакъла.
БОРЛАКОВ БЕК-МЫРЗА ("Дикая" дивизия)
Читают тему (гостей: 1)