- Илму – джашауну джолу.
- Кёб ант этген, кёб ётюрюк айтыр.
- Хар ишни да аллы къыйынды.
- Башы джабылгъан челекге, кир тюшмез.
- Башы ишлегенни, ауузу да ишлер.
- Сабий кёргенин унутмаз.
- Иги сёз – джаннга азыкъ, аман сёз башха – къазыкъ.
- Къартха ушагъан джаш – акъыллы, джашха ушагъан къарт – тели.
- Гитче джилтин уллу элни джандырыр.
- Ишни ахырын ойламай, аллын башлама.
- Аманнга алтын чыдамаз.
- Башынга джетмегенни сорма.
- Хар адамгъа кеси миннген тау кибик.
- Кюлме джашха – келир башха.
- Къыз тиширыу кеси юйюнде да къонакъды.
- Бичгенде ашыкъма, тикгенде ашыкъ.
- Таш ата билмеген, башына урур.
- Ётюрюкню башын керти кесер.
- Керилген да, ургъан кибикди.
- Къая джолда джортма, ачыкъ сёзден къоркъма.
- Босагъа таш юйге кирмей эди, тыбыр таш эшикге чыкъмай эди.
- Джаш къарыу бла кючлю, къарт акъыл бла кючлю.
- Намыс сатылыб алынмайды.
- Кесине гебен этелмеген, биреуге черен эте эди.
- Ауузу бла къуш тута айланады.
- Чакъырылмагъан къонакъ къачан кетерин сормаз.
- Иши джокъну, сыйы джокъ.
- Мураты болгъанны джюрек тебюую башхады.
- Аманны эки битли тону болур, бирин сеннге кийдирир, бирин кеси киер.
- Къазанчы аман болса, къазаны къайнамаз.
- Тил – миллетни джаны.
- Джылыгъа джылан илешир.
- Биреуге аманлыкъны тилеме да, кесинге ашхылыкъны тиле.
- Ариу сёз – къылычдан джити.
- Нарт сёз – тилни бети.
- Ач уят къоймаз.
- Ашаса, ашамаса да, бёрюню ауузу – къан.
- Булут кёкге джарашыу, уят бетге джарашыу.
- Сёз садакъдан кючлюдю.
- Джюрек кёзден алгъа кёрюр.
- Ашыкъгъан cуу, тенгизге джетмез.
- Адам туугъан джеринде, ит тойгъан джеринде.
- Алгъанда – джууукъ, бергенде – джау.
- Бал чибинни ургъаны – ачы, балы – татлы.
- Джуртун къоругъан озар.
- Намысы болмагъанны, сыйы болмаз.
- Ёлген аслан – сау чычхан.
- Джарлыны тону джаз битер.
- Суугъа – чабакъ, къаягъа – ыргъакъ.
- Бек анасы джыламаз.
БАЙКУЛОВ ШОГАИБ ("Дикая" дивизия)
|
Мусса, я думаю нам не надо здесь осуждать кого-либо. Идея этого раздела - воссоздание военной истории народа без политики и разбирательств.
:smt001 |
||||
|
|
|
|||
Читают тему (гостей: 1)