- Кёл – къызбай, къол – батыр.
- Эл бла кёргенинг эрелей.
- Кимни – тили, тиши онглу, кимни – къолу, иши онглу.
- Кёлю джокъну – джолу джокъ.
- Тынгылагъан тынгы бузар.
- Бир онгсуз адам адет чыгъарды, деб эштирик тюлсе.
- Тёзген – тёш ашар!
- Ана – юйню кюн джарыгъы.
- Ата Джуртун танымагъан, атасын да танымаз.
- Ёнгкюч къууана барыр, джылай келир.
- Джангызны оту джарыкъ джанмаз!
- Къонакъны къачан кетерин сорма, къачан келлигин сор.
- Ауругъан – джашаудан умутчу.
- Мен да «сен», дейме, сен да «кесим», дейсе.
- Къозулугъунда тоймагъан, къойлугъунда тоймаз.
- Иги – алгъыш этер, аман – къаргъыш этер.
- Хаухну атма, ёнгкючню сатма.
- Адеб этмеген, адеб кёрмез.
- Ач, тоймам, дейди, тойгъан, ач болмам, дейди.
- Юйюнг бла джау болгъандан эсе, элинг бла джау бол.
- Эллинг бла джау болсанг да, юйюнг бла джау болма.
- Рысхы – насыбха къор.
- Ашаса, ашамаса да, бёрюню ауузу – къан.
- Кёрмегеннге кебек – танг, битмегеннге сакъал – танг.
- Аллахдан тилесенг, кёб тиле.
- Кёз – сюйген джерде, къол – ауругъан джерде.
- Къайтырыкъ эшигинги, къаты уруб чыкъма.
- Ата – билек, ана – джюрек!
- Душманны тышы – акъ, ичи – къара.
- Аман адам элни бир-бирине джау этер.
- Ач къарынны, токъ билмез
- «Ёгюз, джаргъа джууукъ барма, меннге джюк боллукъса», - дегенди эшек.
- Аманны эки битли тону болур, бирин сеннге кийдирир, бирин кеси киер.
- Айырылгъанланы айю ашар, бёлюннгенлени бёрю ашар.
- Тюзлюк тас болмайды.
- Къыз келсе, джумуш эте келеди, къатын келсе, ушакъ эте келеди.
- Кийим тукъум сордурур.
- Татлы тилде – сёз ариу, чемер къолда – иш ариу.
- Хазыр ашха – терен къашыкъ.
- Мухар, кеси тойса да, кёзю тоймаз.
- Мадар болса, къадар болур.
- Аджалсыз ёлюм болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги сеники эсе да, сюйген кесимикин этеме.
- Гырджын – тепсини тамадасы.
- Тешик этген тынчды, аны джамагъан къыйынды.
- Джылар джаш, атасыны сакъалы бла ойнар.
- Хар адамгъа кеси миннген тау кибик.
- Къатын байлыкъны сюер, эр саулукъну сюер.
- Билим ат болуб да чабар, къуш болуб да учар.
Первая Мировая Война и Гражданская война
Темы |
Ответы | Просмотры | Обновление | |
---|---|---|---|---|
19 | 17737 | |||
44 | 26207 | |||
20 | 14296 | |||
8 | 9398 | |||
11 | 12279 | |||
11 | 16747 | |||
3 | 8751 | |||
1 | 5629 | |||
3 | 6530 | |||
1 | 5593 | |||
1 | 6020 | |||
1 | 5611 | |||
Сейчас на форуме (гостей: 1)