- Къарт айтханны этмеген, къартаймаз.
- Адеби болмагъан къыз – тузсуз хант.
- Окъуусуз билим – джокъ, билимсиз кюнюнг – джокъ.
- Эр абынмай, эл танымаз.
- Ёксюзню тилеги къабыл болур.
- Мал тутхан – май джалар.
- Къатын байлыкъны сюер, эр саулукъну сюер.
- Гугук кесини атын айтыб къычыргъанча, мен, мен деб нек тураса?
- Адамны сабийин сюйген джюреги, бычакъча, джитиди.
- Уллу айтханны этмеген – уллаймаз.
- Ишлегенден, къарагъан уста.
- Намысы джокъну – дуниясы джокъ.
- Арбаз сайлама да, хоншу сайла.
- Джыгъылгъанны сырты джерден тоймаз.
- Ач къалгъандан, кеч къалгъан къолай.
- Аманны къуугъан, аманлыкъ табар.
- Рысхы джалгъанды: келген да этер, кетген да этер.
- Юйюнгден чыкъдынг – кюнюнгден чыкъдынг.
- Джырчы ёлсе, джыры къалыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашхы сёз таш тешер.
- Таула не мийик болсала да, аууш табылыр.
- Джылкъыдан – ат чыгъар, тукъумдан – джаш чыгъар.
- Аджалсыз ёлюм болмаз.
- Къая джолда джортма, ачыкъ сёзден къоркъма.
- Билмезни кёзю кёрмез, этмезни къулагъы эшитмез.
- Аллахха ийнаннган кишини, Аллах онгдурур ишин.
- Ачыу алгъа келсе, акъыл артха къалады.
- Ханы къызы буюгъа-буюгъа киштик болду.
- Халкъны джырын джырласанг, халкъ санга эжиу этер.
- Юй ишлеген балта эшикде къалыр.
- Чомарт бергенин айтмаз.
- Бозанг болмагъан джерге, къалагъынгы сукъма.
- Аууздан келген, къолдан келсе, ким да патчах болур эди.
- Къатын къылыкъсыз, эр тынчлыкъсыз.
- Тешигини къатында, чычхан да батыр болур.
- Миллетни бойну – базыкъ, аны бла кюрешген – джазыкъ.
- Сангырау къулакъ эл бузар.
- Азыгъы аз, алгъа къабар, аты аман, алгъа чабар.
- Эте билген, этген этеди, эте билмеген, юретген этеди!
- Урама да – ёледи, сатама да – келеди.
- Баргъанынга кёре болур келгенинг.
- Мал ёлсе, сюек къалыр, адам ёлсе, иши къалыр.
- Эшекге миннген – биринчи айыб, андан джыгъылгъан – экинчи айыб.
- Битмегеннге сакъал – танг.
- Аш кетер да бет къалыр.
- Джашлыкъ этмеген, башлыкъ этмез.
- Терслик кетер, тюзлюк джетер.
- Тешик этген тынчды, аны джамагъан къыйынды.
- Ауругъанны сау билмез, ач къарынны токъ билмез.
Фото во время отъезда на Японскую войну., прошу посмотреть
Читают тему (гостей: 1)